| 
Børn og ung At menna og búgva børn og ung til væl virkandi menniskju og borgarar í samfelagnum er ein tann fremsta og størsta uppgávan yvirhøvur, og hvørs virði er so stórt, at tað ikki kann gerast upp í peningi. Her er leiklutur myndugleikanna at skapa uppvaksandi ættarliðnum so góðar og mennandi karmar sum gjørligt.
Í teiginum: ”Børn og Ung” til vinstru eru m.a. upplýsingar um galdandi lógir á økinum so sum dagstovnalógin og barnaverndarlógin, og her fyriliggur eisini ein stutt frágreiðing um barnaverndarnevndina og –umsitingina, um heilsufrøðingarnar í kommununi, sum arbeiða við børnum, og um tilboð til børn við serligum tørvi.
Her er eisini eitt yvirlit yvir barnaansingarstovnarnar í kommununi, og foreldragjøldini á teimum ymsu stovnunum verða somuleiðis upplýst. Umsóknarblað til ansingarskipanina kann her skrivast út.
Eitt yvirlit yvir fólkaskúlarnar er at finna undir hesum teigi og harafturat ein frágreiðing um Virkishúsið fyri Ung.
|
