| 
Vinnulív Tá vinnuliga menningin tók dik á seg fyrst í farnu øld, byrjaði Klaksvík at mennast til ein av vinnuligu kraftardeplunum í tí føroyska samfelagnum, og tað er hon framvegis, bæði á sjógvi við nógvum fiskiskipum heimahoyrandi her og á landi, her fiskavirkir og tilhoyrandi tænastuvinnuvirki eru mong í tali. Tætta byggingin gevur eisini býnum ein góðan dám sum handilsbýur, og talið av handlum í kommununi er eisini sera stórt.
Í teiginum: “Vinnulív” til vinstru eru upplýsingar um handlar og tilhoyrandi feløg og stovnar, ið arbeiða við samskipan og menning av handils- og vinnulívinum, so sum handilsfelagið, vinnulívsráðið, ferðavinnan, menningardeildin og íverksetarahúsið.
Somuleiðis eru upplýsingar um Klaksvíkar Havn og teir møguleikar, sum har eru, eitt nú tann nýliga bygda havnin við vinnuøki í Ánum, ið kann taka ímóti stórum skipum á einum tí veðurbesta staðnum í landinum.
|
