Um tørvur er á bráðfeingis sjúkrakoyring, ringið so 112 ella til umstillingina á Kl. Sjúkrahúsi 455463, sum síðani sendir bil avvstað. Øll onnur koyring við sjúkrabili, skal verða ávíst av sjúkrahúsinum ella av kommunulækna.

Sjúkraflutningur

Tað er sjúkrahúsverkið sum skipar fyri sjúkraflutningi. Til bygdirnar í Fugloy og Svínoy er tað Strandfaraskipið Másin ella tyrla, sum hevur flutningin, meðan tað til Kalsoynna er tann báturin, ið er tøkur, ið fer avstað.

Kommunulæknarnir meta um, hvør sjúkraflutningur skal til, og íðani er tað Sjúkrahúsið, sum skipar flutningin og ber kostnaðin.