Hundaeigarar skulu syrgja fyri, at hundurin hevur hálsband við navni og bústaði á, frá tí hann er 4 mánaðir gamal. Hundur skal vera í bandi ella við fólki, sum hevur fult ræði á honum. Frá kl. 21-05 skal hundur altíð vera í bandi, vera inni ella væl bundin. Løgreglan tekur hundar, sum ganga leysir. Eigarin fær fráboðan; hevur hundurin ikki navnaspjaldur, verður lýst eftir eigaranum.
 
Kemur eigarin ikki eftir hundinum og loysir hann út ímóti gjaldi, kann løgreglan avhenda ella avlíva hundin. Bót verður givin eigarum, sum lata hund ganga leysan.
 
 
Leysir hundar kunnu fráboðast Politistøðini á tlf. 455348 ella Endurnýtsluni á tlf. 454242 / 213242