Klaksvíkar kommuna hevur eina byggisamtykt, ið er góðkend av Føroya landsstýri 17. september 2008. Henda samtykt byggir á býarskipanarlógina frá 1954. Avrit av byggisamtyktini liggur frammi í Miðlan. Tað er Tekniska Umsiting, ið tekur sær av málum, sum viðvíkja bygging í samsvari við byggisamtyktina, men tá byggjast skal fram við fjøru ella í haga, skulu byggimyndugleiki og friðingarmyndugleiki góðtaka ætlanina, eins og landsverkfrøðingurin skal góðkenna ætlanina, tá bygt verður fram við landsveg og á havnalagnum. Tann lokala friðingarnevndin er bert tilmælandi; tað er yvirfriðingarnevndin, sum hevur avgerðarrætt í tílíkum málum. |
