Nýggjastu tíðindi

08/03/2018

Starvslýsing: námsfrøðiligur stuðul í Barnaverndartænastuni


Søkt verður eftir námsfrøðiligum stuðli á umleið 10 tímar um vikuna til Barnaverndartænastuna í Norðoyggjum

Starv sum stuðul er leyst at søkja og verður sett skjótast gjørligt. Starvið er tíðaravmarkað til 6 mðr. við møguleika fyri leingjan.

Talan er um eitt avbjóðandi og spennandi starv sum námsfrøðisligur stuðul hjá einum ungdómi.

Arbeiðið umfatar m.a. at hjálpa, vegleiða, stuðla og stimbra ungdóminum og familjuni.

Í starvinum kann væntast nakað av samskifti og samstarv við aðrar samstarvsfelagar. Her verður serliga hugsað um samstarv við familjuna, Barnaverndartænastuna og skúlar.

Vit vænta, at tú ert ábyrgdarfull/ur, miðvís/ur og kanst arbeiða sjálvstøðugt. Tað er ein fyrimunur, um tú ert jalig/ur av lyndi, dugir at síggja loysnir fram um forðingar, hevur góð samstarvsevnir og ert fleksibul.

Tað er neyðugt, at tú ert tolin og rúmlig/ur av lyndi, samstundis sum tú megnar at siga frá og vera avgjørd/ur í verki.

Barnaverndartænastan umfatar allar Norðoyggjar og tí er neyðugt at tú hevur koyrikort og bil.

Viðkomandi, ið settur verður, má kunna arbeiða skiftandi tíðir - lagað til tørvin hjá familjunum.

Lønar- og setanarviðurskifti

Starvið er tíðaravmarkað til 6 mðr við møguleika fyri leingjan, og verður lønt sambært sáttmála millum Kommunala Arbeiðsgevarafelag Føroya og Pedagogfelagið.

Umsókn

Skrivlig umsókn, saman við viðmælum og upplýsingum um útbúgving, royndir og revsiváttan, skulu vera Barnaverndartænastuni í Norðoyggjum í hendi í seinasta lagi hósdagin 22. mars 2018.

Um neyðugt tilskila vit okkum rætt til ongan av umsøkjarunum at velja.

Nærri upplýsingar um starvið fáast við at venda sær til Urd T. Traðará, sosialráðgeva á telefon +298 410000 ella á t-post: urdt@klaksvik.fo.

Nýtt í kommununi

Norðoya Bú- og Heimatænasta bjóðar borgarunum fjølbroyttar tænastur
24/09/2018

Síðan í januar í ár hevur Norðoya Bú- og Heimatænasta bjóðað heimabúgvandi fólkapensjónistum í Norðoyggjum eitt nýtt tilboð, sum s… Les meira »

Ferðslutrygdin á Skúlatrøð
21/09/2018

Í samband við, at arbeitt verður við at betra um atkomuviðurskiftini og ferðslutrygdina á Skúlatrøð, er vegarbeiði á skránni við G… Les meira »

Fokus á sálarheilsu
17/09/2018

Í samband við, at stovnurin Gloym meg ei hjá Almannaverkinum er fluttur til Klaksvíkar, var almenn móttøka í nýggju hølunum á Klak… Les meira »

Vís fleiri