Nýggjastu tíðindi

27/12/2018

ÆTLAR TÚ BRENNA BÁL Á NÝGGJÁRINUM?


Her er vegleiðing til skráseting til borgarar, ið ætla sær at brenna bál á nýggjárinum. Øll bál skulu skrásetast hjá Sløkkiliðnum.

Ætlar tú at brenna bál nýggjársaftan, minst so til at skráseta teg hjá Sløkkiliðnum.

Bálbrenning skal altíð fylgja vegleiðingini hjá Umhvørvisstovuni, sum er tøk her.

Umframt at fylgja vegleiðing og galdandi reglugerð á økinum, eiga atlit eisini at verða tikin til grannarnar, um bálið verður brent í íbúðarøki. Góður siður er tí at kunna grannalagið, áðrenn bál verður brent nærhendis bústað.

Í sambandi við bálbrenning og brenning í smá­um heimaovnum og í eldstaði eru her nøkur dømi um, hvat kann brennast, og hvat ikki kann brennast.

Hetta er loyvt at brenna:

·       Reinur og turrur óviðgjørdur viður

·       Ólitað pappír og papp

·       Jóla­trø og annað grann

 

Hetta er ikki loyvt at brenna:

·       Plast og gummi (t. d. flamingo, dekk, nótir, posar og annað)

·       Viðgjørdur og málaður viður

·       Sagu­spønir og spønplátur

·       Húsarhaldsburturkast

·       Vandamikið burturkast (t. d. máling, battarí, olja, oyðingarevni, loysingarevni o. a.)

·       Klæðir, leður og annað

·       Mjólkarpakkar

·       Dagbløð og vikubløð (viðgjørt papír)

Nýtt í kommununi

140 børn og ung vitjaðu Húsið
21/08/2019

Skúlin er byrjaður aftur og tað merkir, at Húsið eisini hevur opið sum vanligt. Les meira »

Býráðsfundurin útsettur
20/08/2019

Avgjørt er, at býráðsfundurin, ið eftir ætlan skuldi vera 29. aug, verður fluttur til seinni í ár. Útsetti býráðsfundurin er settu… Les meira »

Endurnýtslan stongd leygardagin á Sjómannadegnum
16/08/2019

Leygardagin 17. august 2019 er bingjuplássið stongt. Les meira »

Vís fleiri