Nýggjastu tíðindi

07/01/2019

Mylnuhúsið verður 20 ár


Í samband við at Mylnuhúsið 16. januar 2019 verður 20 ár, bjóðar Mylnuhúsið øllum í føðingardag.

Tað eru 20 ár síðan Mylnuhúsið lat upp á fyrsta sinni. Mylnuhúsið byrjaði sum ein sjálvognarstovnur við Honnu Thøgersen sum leiðara. Í stýrinum sótu tá: Elisabett ( Betta ) Joensen, formaður, Eyðgunn Samuelsen, næstformaður og Kristian Fríðrik Olsen, nevndarformaður.

Børnini, sum byrjaðu í Mylnuhúsinum fyri 20 árum síðani, vóru í aldrinum 0 – 9 ár, men hetta varð broytt í 2011, tá Snjallabjalla lat upp.

Mylnuhúsið varð rikið sum ein sjálvsognarstovnur fram til 2015, tá avgjørt varð, at Mylnuhúsið skuldi gerast ein kommunalur stovnur.

Mylnuhúsið hevur síðani 2002 arbeitt við italienska arbeiðsháttinum “ Den integrerende baggrund” eisini nevnt “Sporpædagogik”. Hetta sæst aftur í dagliga virkseminum, tí fleiri siðvenjur hjá Mylnuhúsinum eru sprotnar úr sporum hjá børnum og vaksnum, sum hava havt sína dagligu gongd í Mylnuhúsinum. 

Mikudagin 16. januar frá kl. 15.00 – 17.00 bjóðar Mylnuhúsið bollar og kakao.

Øll eru hjartaliga vælkomin í føðingardag hjá Mylnuhúsinum.

Nýtt í kommununi

Søla av grundøki undir Hamri
14/03/2019

Sambært kunngerð nr. 122 frá 22. desember 2000 um alment útboð av fastari ogn, lýsir Klaksvíkar Kommuna eitt grundøki undir Hamri… Les meira »

Fótbóltur fyri børn við tilflytarabakgrund
14/03/2019

Leygardagin 30. mars 2019 bjóðar Fótbóltssambandið øllum børnum (5 – 12 ár) við tilflytarabakgrund til eitt stuttligt fótbóltstilt… Les meira »

Ítøkilig amboð til arbeiðið við fleirmæltum børnum á veg
12/03/2019

Í hesum døgum verður síðsta hond løgd á eina slóðbrótandi verkætlan, ið hevur til endamáls at framleiða amboð til teirra, ið arbei… Les meira »

Vís fleiri