Nýggjastu tíðindi

22/05/2020

Klaksvíkar kommuna fult viðhald frá kommunala eftirlitinum


Loksins er avgerð komin frá kommunala eftirlitinum viðvíkjandi keypinum hjá Klaksvíkar kommunu av veghæddini og kjallaranum í bygninginum á Biskupstorgi. Úrslitið er, at kommunan fær fult viðhald frá myndugleikunum.

– Hetta er tað, sum vit alla tíðina hava væntað, men tað er kortini ein stór gleði, at ein niðurstøða endiliga er komin, so vit kunnu fara í gongd við ætlaða virksemið í veghæddini á Biskupstorgi, sigur Jógvan Skorheim, borgarstjóri í Klaksvíkar kommunu.

Talan er um eitt mál, sum hevur ligið hjá eftirlitinum í langa tíð og hevur seinkað víðari menningini av økinum á Biskupstorgi, har ætlanin er at leiga tey høli út til vinnurekandi, sum ikki longu skulu brúkast av kommununi. Í næstum verða hesi høli boðin fram.

- Frágreiðingin hjá eftirlitinum er víðfevnd og breið, og um tað allar mesta eru vit púra samd. Viðvíkjandi luttøkuni hjá kommunum í bygging saman við Bústøðum eru vit tó ikki heilt samd, men í málinum um veghæddina og kjallaran í Biskupstorgi fegnast vit bara um, at kommunala eftirlitið endiliga er komið til tí niðurstøðuna við veghæddini, sum Klaksvíkar kommuna gjøgnum langa tíð hevur víst á, staðfestir Jógvan Skorheim, borgarstjóri.

Nýtt í kommununi

Starvsfólk á eldraøkinum kannað fyri COVID-19
28/05/2020

Í dag vórðu nøkur av starvsfólkunum hjá Norðoya Bú- og Heimatænastu kannað fyri COVID-19. Kanningarnar verða gjørdar í samstarvi v… Les meira »

Tilmelding til rundsýning á Skúlatrøð
28/05/2020

Vegna korona-tilmælini verður vígslan stroymd á heimasíðuni hjá Klaksvíkar kommunu, og hava øll tískil møguleika at fylgja við har… Les meira »

Býráðsskráin 28. mai 2020
27/05/2020

Regluligu býráðsfundirnir eru almennir, og til ber eisini at stroyma fundin beinleiðis umvegis heimasíðuna hjá Klaksvíkar kommunu. Les meira »

Vís fleiri