Barnahúsið Margit er ein kommunalur dagstovnur. Vit hava tvær vøggustovur, tvær barnagarðsstovur og eina serstovu. Barnahúsið Margit er normerað til 66 børn.

Barnhúsið Margit hevur ein menningarætlan, sum er grundarlagið undir okkara námsfrøðiliga arbeiði; harumframt síggja vit stórt virði í viðurkenning og inklusión í okkara arbeiði. Les meira um menningarætlanina her: https://www.klaksvik.fo/dagstovnar. 

Vit leita eftir einum námsfrøðingi, sum:

-       hevur ein savnandi hugburð
-       er opin, erligur og fyrikomandi
-       hevur lætt og jaligt lyndi
-       dugir at seta í gongd
-       leggur seg eftir at geva barninum ein innihaldsríkan gerandisdag
-       sær møguleikar í øllum børnum
-       vil vera við til at mynda stovnin námsfrøðiliga
-       er tilvitaður um menning fyri tað einstaka barnið
-       er týðiligur í samskifti og leggur dent á gott samstarv 

Setanarviðurskifti:
Starvið verður sett sambært sáttmála millum Føroya Pedagogfelag og Kommunala Arbeiðsgevarafelag Føroya (KAF).
Hevur tú spurningar, ert tú vælkomin at seta teg í samband við Ann Mari E. Kjølbro, leiðara, á telefon 284530 ella við telduposti: margit@klaksvik.fo. 

Umsóknir:
Umsókn saman við avriti av prógvi, cv og møguligum starvsváttanum skal vera stovninum í hendi í seinasta lagi mánadagin 24. august 2020. Umsóknin skal sendast til starv@klasvik.fo, ella sum bræv til Klaksvíkar kommuna, Nólsoyar Páls gøta 32, Postbos 2, 710 Klaksvík.