Tíðindi
Samsvarandi áður lýstu kunngerð frá Umhvørvis- og vinnumálaráðnum er kommunuval týsdagin 10. novembur 2020. Um somu tíð og á somu støðum er eisini val til staðbundnar nevndir.
Valið er á hesum støðum
Badmintonhøllin í Klaksvík
(Klaksvík, Ánirnar og Norðoyri)
Valstýrari: Eydna K. Thomsen, forkvinna
Róðrarneystið í Árnafirði
(bygdin Árnafjørður)
Valstýrari: Guttorm F. Pálsson, formaður
Skúlin í Mikladali
(bygdirnar: Mikladalur og Trøllanes)
Valstýrari: Christian Andreasen, formaður
Skúlin á Húsum
(bygdirnar Húsar og Syðradalur)
Valstýrari: Fríða Isaksen, forkvinna
Skúlin í Svínoy
(bygdin Svínoy)
Valstýrari: Hanna Jacobsen, forkvinna
Atkvøðutíðin verður frá kl. 10:00 til 20:00, og so leingi veljarar koma til valborðið uttan steðg.
Brævatkvøður:
Veljarar, ið vænta at verða burturstaddir valdagin ella á annan hátt lúka treytirnar fyri at greiða brævatkvøðu, kunnu í seinasta lagi dagin fyri valið greiða brævatkvøðu við at venda sær til Miðlan/kommunuskrivstovuna.
Brævatkvøður skulu verða valnevndini í hendi innan valið byrjar kl. 10:00 valdagin.
Heimaval:
Veljarar, ið vegna sjúku ella vantandi førleika, ikki kunnu møta við valborðið, kunnu velja heima í seinasta lagi dagin fyri valið við at boða frá á Miðlan telefon 41 00 00 innan kl. 12 mánadagin tann 9. novembur 2020.
Valkort:
Valkort verða send út við postinum.
Um onkur, ið heldur seg hava valrætt í kommununi, ikki fær valkort sendandi, verður viðkomandi vinaligast biðin um at venda sær til Miðlan/kommunuskrivstovuna skjótast gjørligt.
Minnist til at hava valkortið við á val
Kommunuvalnevndin í Klaksvík
27. oktobur 2020