Víðkan av B15, Árnafjørður - Málsnr.: 21/00434

Klaksvíkar býráð samtykti á fundi 29. apríl 2021 uppskot um at broyta almennu byggisamtyktina fyri Klaksvíkar kommunu. Broytingin umfatar hesar nevndu matr.nr. 85, 38, 62b, 36b, 76, 55, 19, 27, 53c, 69, 26a, 62a, 62d, 62f, 62c, 62e, 65, e, f, D í Árnafjørð.

Uppskotið til broytingina snýr seg um at:

• Víðka økispartin B15, vinnu‐ og mentunarøki.
• Regulera í økismarkinum millum D27, D28 og D24, ið liggja uppat B15.

Regulering av A28, Trøllanes - Málsnr.: 20/01182

Klaksvíkar býráð samtykti á fundi 25. mars 2021 uppskot um at broyta almennu byggisamtyktina fyri Klaksvíkar kommunu. Broytingin umfatar hesar nevndu matr.nr. 11a, 11b, 14, 24 25, 26 og a á Trøllanes.

Uppskotið til broytingina snýr seg um at:

• regulera í økismarkinum millum A28 (Blandað íbúðar‐ og vinnuendamál) og landbúnaðarøkið.

Tilfar, sum lýsir uppskotini um at broyta almennu byggisamtyktina fyri Klaksvíkar kommunu liggur frammi til alment eftirlit í Miðlan í Klaksvík frá 08.06.2021 – 29.06.2021 og eru somuleiðis at síggja á heimasíðu kommununnar: Broytingar í byggisamtyktini.

Møgulig mótmæli ella broytingaruppskot skulu verða Klaksvíkar kommunu í hendi í seinasta lagi 20.07.2021. Tá ið mótmæli ella broytingaruppskot verða latin, skal mál nr. viðmerkjast.