Í hesum sambandi verður eingin ferðsla á vegastrekkinum millum Effo og Býráðshúsið, tó er býarbussurin undantikin. Ferðslan verður beind at koyra fram við bátabrúgvunum hetta tíðarskeiðið, og verður heitt á bilførarar um at fylgja skeltingini á staðnum.

Orsøkin til, at arbeiðið verður gjørt á hendan hátt er, at høvuðssspillivatnsleiðingin liggur mitt í vegnum, og serstaki bilurin, sum verður brúktur til arbeiðið, má standa beint yvir kloakkdekslunum, meðan arbeiðið verður framt.

Tað er fyritøkan Aarsleff A/S, sum ger arbeiðið fyri Klaksvíkar kommunu. Arbeiðið er væntandi liðugt eftir tveimum døgum.