Um arbeiðið og stovnin

Arbeiðstíðin er millum kl. 7.30 og 17.00. Størvini eru í vøggustovu (0–3 ár) og barnagarðsstovu (3–5/6 ár). Vit kunnu bjóða tær eitt lívsjáttandi starv saman við børnum, har tú fært møguleika at geva teimum ein innihaldsríkan, mennandi og góðan gerandisdag.

Møguleikarnir eru nógvir at uppliva í nærumhvørvinum saman við góðum starvsfólkum og einum vælvirkandi barnabólki. Stovnurin liggur væl fyri, mitt í býnum, tætt við skúlan, fimleikarhallirnar, fótbóltsvøllin (rennibreytina), svimjihøllina, ítróttarhallirnar, bókasavnið og onnur almenn spælipláss v.m., og ikki langt frá fjøru og haga. Hesar fyrimunir nýta vit nógv.

Lønar- og setanarviðurskifti eru sambært sáttmála millum Føroya Pedagogfelag og Kommunala Arbeiðsgevarafelagið, lønarstig 11 / 24 – 2 / 8. Sambært barnaváttanarlógini § 4 skal barnaváttan fyriliggja, áðrenn umsøkjari verður settur.

Meiri fæst at vita við at venda sær til leiðaran, Marjun Lassen, á tlf. 212557 ella varaleiðaran, Hedvig Waagstein, á tlf. 216734.

Skrivlig umsókn við prógvi, ummælum o.ø. skal vera okkum í hendi í seinasta lagi leygardagin 27. juni.

Dr. Margrethu Barnagarður
Gerðagøta 14
FO-700 Klaksvík 
T-post: margretha@margretha.fo 

Tú kanst lesa meira um okkum á heimasíðuni: www.margretha.fo