Virkið Vár verður í døgunum 27. apríl - 3. mai 2026

ABC fyri sálarliga heilsu er grundarlagið undir Virkið Vár, sum er í viku 18 og Virkið Heyst, sum er í viku 41.

Síðan 2020 hevur verið samstarva við ítrótta- og frítíðarfelagsskapir, fyritøkur og aðrar áhugapartar, tá ið skipað hevur verið fyri Virkið Vár og Virkið Heyst, sum varpar ljós á burðardygg tiltøk, sum eru heilsu- og umhvørvisfremjandi. Bæði tá ið talan hevur verið um afturvendandi tiltøk, men eisini tá ið nýggj hugskot hava verið ment.

Við góðum íkasti frá ítrótta- og áhugafeløgum, einstaklingum og fyritøkum verða tiltøk til ymiskar aldursbólkar ment á hvørjum ári. 

Áhugaði eru altíð vælkomin at senda teldupost við hugskotum um átøk, sum kunnu stuðla undir eina góða sálarliga heilsu. 

Send boð til klaksvik@klaksvik.fo og viðmerk teldupostin Virkið Vár/Heyst