Nýggjastu tíðindi

06/09/2019

Jóna Østerø sett í starv í samdøgursrehabiliteringini


Norðoya Bú- og Heimatænasta hevur sett Jónu Østerø í starv sum sjúkrarøktarfrøðing í samdøgursrehabiliteringini á Sambýlinum á Heygnum. Jóna verður partur av einum tvørfakligum toymi, har hon saman við ergoterpeutum og fysioterapeutum hjá Norðoya Bú- og Heimatænastu hevur ábyrgd av samdøgursrehabiliteringini.

Jóna Østerø, sum er kandidatur í sjúkrarøktarfrøði, fer í tøttum samstarvi við ergoterpeutar, fysioterapeutar og røktarstarvsfólkunum á Sambýlinum á Heygnum, at menna tilboðið um samdøgursrehabilitering. Endamálið er m.a. at stuðla fólkapensjónistinum at megna sín egna gerandisdag í tann mun tað ber til, soleiðis at borgarin aftur kann fáa eitt sjálvstøðugt og innihaldsríkt lív.

Samdøgursrehabilitering er skipað sum eitt døgntilboð, sum kann vara í nakrar vikur, men sum krevur, at borgarin eisini hevur eitt ynski um at endurvinna mistar førleikar.

Jóna Østerø er úr Klaksvík. Hon er sjúkrarøktarfrøðingur og hevur júst tikið kandidatsútbúgving í sjúkrarøktarfrøði. Í síni útbúgving hevur Jóna lagt dent á tann eldra medisinska sjúklingin/borgaran bæði innan sjúkrahúsverkið og í kommunalum høpi, og granskaði í hesum sambandi m.a. í NBH.

Jóna tók við starvinum 1. sep. 2019.

Norðoya Bú- og Heimatænasta ynskir Jónu vælkomnari og blíðan byr.

Nýtt í kommununi

Býráðsumsitingin stongd mánadagin 16. september.
13/09/2019

Vegna starvsfólkadag er Býráðshúsið stongt mánadagin 16. september 2019. Les meira »

SEV dagførir elkervið í Norðurøkinum
13/09/2019

Virksemið í Norðurøkinum veksur, og hetta setir krøv til elkervið hja SEV. Hetta førir m.a. við sær, at SEV nú grevur fyri elkaðal… Les meira »

Áheitan til allar borgarar í Klaksvíkar kommunu
12/09/2019

Í vikuskiftinum verður boðað frá nógvum vindi, og tí verður heitt á fólk um at taka upp tað, sum liggur og sløðist. Les meira »

Vís fleiri