Kristian Eli Zachariasen, formaður í umhvørvis-og-byarskipanarnevndin sigur seg ásanna, at tilgongdin hevur verið long, men tó eisini neyðug, og tí fegnast hann sjálvsagt um, at ætlanin um at byggja eitt spæliland í Klaksvík verður veruleiki.

-Tað er ongin loyna, at nógvir dagar í Føroyum eru baldrutir, men tó er ætlanin við spælilandinum ikki, at spælilandið skal koma ístaðin fyri, at spælt verður úti í náttúruni, sum er eitt fantastikst spælipláss. Hetta er eitt alternativt tilboð til uttandura spæliplássið, sum vit longu eru ríkaði við.

Byggingin byrjar miðskeiðis 2020 og stendur spælilandi væntandi liðugt seinnu helvt í 2021.

Býráðið tók av lægsta tilboðnum, sum var 12,3 mill.