Nýggjastu tíðindi

13/10/2020

Valevnislistar til kommunuvalið


Valevnislistar til kommunuvalið 10. november 2020 skulu vera kommununi valnevndarforkv. í hendi í seinasta lagi týsdagin 20. oktober 2020 kl. 18.00.

Stillarar

Listin skal vera undirskrivaður av í minsta lagi 15 og í mesta lagi 25 veljarum sum stillarum, og hjálagdur skal vera serligur listi yvir stillararnar, har teir eru skilliga lýstir við navni, starvi, bústaði og føðingardegi. Listin skal vera latin inn av einum stillara.

Ein persónur kann bert vera stillari á einum lista. Er ein persónur stillari á fleiri listum, verður hann strikaður á øllum listunum.


Valevni

Ein listi kann hava færri og í mesta lagi 4 valevni fleiri enn tað samlaða talið av bygdarráðslimum, ið skulu verða valdir. Í Klaksvíkar kommunu kunnu tað vera upp til 15 valevni á hvørjum valevnislista.

Valevnini skulu vera skilliga lýst við navni, starvi, bústaði og føðingardegi, so at eingin samanblanding við nakran annan valbæran persón stendst av. Er okkurt valevni ikki valbært, ella er tað so óskilliga lýst, at ivi kann vera um, hvønn valbæran persón sipað verður til, verður valevnið strikað av listanum. Ein persónur kann bert vera uppstillaður á einum lista.

Eru spurningar, kunnu tit ringja til Miðlan á tlf.41 00 00 ella til Svanhild Isaksen, valnevndarforkv. á tel. 216964


Lesið meira her:

Umhvørvis- og vinnumálaráðið – Bóklingur til kommunuvalið 2020

Umhvørvis- og vinnumálaráðið – Valevnislisti (vegleiðandi dømi)

Nýtt í kommununi

Fyrilestur á Skúlatrøð: Frá matleivdum til mold
23/10/2020

Klaksvíkar kommuna er, saman við IRF, farið undir eina verkætlan at bjóða borgarum eitt sett av Bokashi spannum, soleiðis at húsar… Les meira »

Námsfrøðingur ella hjálparfólk til Mylnuhúsið
23/10/2020

Spennandi og lívligir gerandisdagar við glaðum børnum og góðum starvsfeløgum. Ljóðar tað sum nakað fyri teg? So er tað kanska tær,… Les meira »

Handilshølini við Biskupstorg: hesir handlar flyta inn
23/10/2020

Seinnapartin í gjár var sáttmáli undirskrivaður við seks sera spentar stjórar, sum nú veruliga kunnu fara undir fyrireikingarnar t… Les meira »

Vís fleiri