Tíðindi
Tað er sjálvsagt torført at rokna út, hvussu víðari gongdin við korona-smittuni verður, men Klaksvíkar kommuna vónar, at tað ikki verður leingi, til borgarar aftur kunnu fáa ein vanligan gerandisdag, soleiðis at øll kommunal tilboð aftur kunnu fáa fullan virkna.
Støðan seinastu tíðina er batnað, men framvegis verða nøkur av tilboðnum avmarkaði.
Í samráð við heilsufakligu ráðgevingina verða tilboðini á m.a. trivnaðarøkinum skipaði soleiðis í komandi viku:
Dagstovnarnir
Dagstovnarnir hava opið.
Kommunala dagrøktin
Dagrøktin hevur opið. Tó hevur spælistovan framvegis stongt.
Frítíðarskúlin
Snjallabjalla hevur einans opið fyri 1. flokki. Hetta er fyri at minka um stórar bólkar, sum fara tvørtur um árgangir. 1. flokkarnir verða somuleiðis býttir sundur millum hølini í Snjallubjallu og Garðalisu.
Húsið
Húsið hevur framvegis stongt.
Skúlatrøð
Skúlaleiðslan á Skúlatrøð hevur boðað kommununi frá, at næmingarnir í komandi viku fylgja vanligu tímatalvuni, hóast onkrar tillagingar verða gjørdar í skúladegnum. Mælt verður m.a. til flokseinsemi sum merkir, at skipa verður ikki fyri undirvísing og øðrum tiltøkum tvørtur um flokkar.
Tónlistaskúlin
Tónlistaskúlin hevur somuleiðis boðað kommununi frá, at undirvísingin byrjar aftur mánadagin.
Nýhugsandi innbúgv til Klaksvíkar Býráð
Býráðsskrivstovan stongt flaggdagin
Flaggdagshald í Vágstúni
