Tíðindi

17.05.2022
Borgarstjórin bjóðaði vælkomin á Atlantic Fair

Fyrrapartin í dag læt Atlantic Fair dyrnar upp til Føroya størstu vørusýning, sum fyrst og fremst er ætlað fiskivinnu og tænastuvinnu til fiskiídnaðin. Komandi dagarnar verður Klaksvík karmur um 190 fyritøkur úr øllum heiminum, sum vísa nýggjastu tøknina fram.

Klaksvíkar kommunu hevur verið vertur fyri hesi altjóða maritimu vinnumessu síðan 2011. Vinnumessan hevur gjøgnum árini ment seg til ein áhugaverdan sýnisglugga hjá bæði føroyskum og útlendskum veitarum og keyparum. Vinnustevnan er vanliga sera væl umtókt. Seinast Atlantic fair var á skrá, vóru eini 5.000 gestir og vitjaðu vinnumessuna í Klaksvík.

Kl. 10.00 í morgun lótu dyrnar upp, tá Karl Johansen, borgarstjóri, bjóðaði vælkomin. Bárður á Steig Nielsen, løgmaður, settisíðan Atlantic Fair. Vørumessan heldur fram til hósdagin 19. mai kl. 17.00.

Onnur tíðindi
11.08.2022

Rennybreytin verður málað

09.08.2022

Kunningarfundur um heilsufótbólt

08.08.2022

Køksfólk til Snjallubjallu

07.08.2022

Námsfrøð­ingur ella hjálpar­fólk til Blákolluna