Tíðindi

26.08.2022
Starvsfólk til Baldursbrá

Søkt verður eftir einum starvsfólki at byrja skjótast gjørligt. Starvið er 20 tímar um vikuna og er tíðaravmarkað fram til 30. juni 2023.

Baldursbrá, sum er nýggjasti stovnurin í Klaksvíkar kommunu, er ein náttúru barnagarður, sum liggur á Norðoyri.
Stovnurin hevur frálíka staðseting tætt við fjøru og haga. Náttúran er ein týðandi partur av námsfrøðiliga arbeiðnum á stovninum.
Baldursbrá er ætlað børnum í aldrinum 3-6 ár. Á stovninum eru tríggjar stovur: Dreymsólja, Gullsólja og Snjósólja, við 15 børnum í hvørjari.

 

Vit vænta, at tú:
• hevur ein savnandi hugburð
• ert opin, erlig/ur og fyrikomandi
• leggur teg eftir at geva barninum ein innihaldsríkan gerandisdag
• sær møguleikar í øllum børnum
• vilt vera við til at mynda stovnin sum ein nátturubarnagarð.
• hevur hug at arbeiða við náttúrunámsfrøði.
• ert tilvitað/ur um menningina hjá einstaka barninum
• sær stórt virði í viðurkenning og inklusjón
• ert týðilig/ur í samskifti og leggur dent á gott samstarv

Setanarviðurskifti:
Løn og setanarviðurskifti eru sambært sáttmála millum Kommunala Arbeiðsgevarafelagið (KAF) og Føroya Pedagogfelag.
Hjálparfólk verða sett í tíðaravmarkað starv, um so er, at námsfrøðingar ikki søkja starvið.
Meira fæst at vita um starvið við at venda sær til Vivian B. Samson, leiðara, á telefon 225719 


Umsókn:
Umsókn saman við avriti av prógvi, cv og møguligum starvsváttanum, skal vera okkum í hendi í seinasta lagi 10. september 2022.

Tú søkir starvið við at trýsta á leinkjuna her: Starvsfólk til Baldursbrá

Onnur tíðindi
03.10.2022

Matr. nr. 1185 lýst til sølu

03.10.2022

Jústabrekka 1 til sølu

03.10.2022

Burturbeining av leivdum frá fletting

01.10.2022

Rennibreytin tikin í nýtslu