Tíðindi
Á middegi í dag kom nýggi líkbilurin til Klaksvíkar. Leiðarin í Kirkjugarðinum, Jakobina Joensen, sigur, at hetta arbeiðið hevur verið drúgt, og tí er kenslan ómetaliga góð, nú nýggi bilurin er komin.
- Gamli líkbilurin hevur tænt arbeiðinum væl, men aftaná 20 ár var tíðin komin til at skifta bilin út.
- Ein slíkur bilur er heldur ikki lættur at fáa fatur á. Krøvini til bilin eru høg, teknologiin framkomin og fyritøkurnar, sum framleiða líkbilar, fækkast. Í øllum førum um okkara leiðir.
- Tað kann tykjast óneyðugt at gera eina íløgu í ein bil, sum man vónar bara koyrir hægst neyðugt, men tað hevur týðning, at júst hesin seinasti túrurin verður koyrdur í virðiligum umstøðum, sigur Jakobina.
Bæði starvsfólk í kirkjugarðinum og Jan Askham, leiðari í Smiðjuni, hava verið partur av hesi tilgongdini. Tey eru væl nøgd við bilin, og vóna sjálvsagt at bilurin fer at roynast væl.
Upptøka á vallista
Kaðalarbeiði á Vágsgeil
Filmskvøld og prát um skisofreni
