Kloakkleiðingin verður umvæld við at fóðra leiðingina innan. Ein fyrimunur við hesi arbeiðsgongd er, at hon er til so lítlan ampa, sum til ber fyri íbúgvarnar, meðan arbeiðið er í gongd; tí neyðugt verður ikki at grava gongu- ella vegbreyt upp fyri at umvæla kloakkleiðingina.

Arbeiðið verður mett at taka tríggjar arbeiðsdagar, frá týsdegnum 5. sep. til hósdag 7. sep. 2023. Arbeitt verður millum kl. 08.00-16.00 hesar dagar.

Hetta eiga tit sum íbúgvar at geva tykkum far um
Neyðugt verður hjá arbeiðsfólkinum at sleppa framat vegdeklsum við eftirlitsbili og amboðum, tí fer kommunan at heita á tykkum, sum búgva í økinum, um at vera umhugsin, tá ið parkerað verður á vegnum. Setið bilin á annað stað ella parkeringspláss, so tit altíð kunna sleppa avstað aftur við bilinum.

Luktur
Viðhvørt merkist ein plastluktur. Varnast tit henda lukt, hjálpir tað at stoyta vatn í vatnlásini í vøskum, frárenslum í gólvinum og vesikummum. Lufta eisini út.

Verið sparin við vatni
Tá ið arbeiðið at fóðra kloakkleiðingina er í gongd, er umráðandi, at so lítið av vatni, sum til ber, rennur í kloakkleiðingini. Kommunan heitir tí á tykkum um at avmarka vatnnýtsluna, meðan arbeiðið er í gongd (kl. 08.00-16.00).

Eru ivamál ella spurningar, ber til at seta seg í samband við spillvatnssamskiparan á tlf. 410000 ella 410007.