Tekniska deild, saman við ferðslunevndini, hevur tikið avgerð um, Stangavegur verður einsrættaður suðureftir,  Kráargøta og Kjalarvegur verða einsrættaðir norðeftir, og at Heygavegur og Garðavegur verða einsrættaðir suðureftir. Neyðug skelting verður sett upp.

- Arbeiðið við Stangavegin er eitt týðandi arbeiði, har vit gera munandi ábøtur á eitt vegastrekki við sera nógvari ferðslu. Hóast hendan avgerð kemur at ávirka borgarar, so meta vit, at hetta er besta loysnin fyri ferðsluna í økinum, sigur Oddmar á Lakjuni, formaður í ferðslunevndini.

Arbeiðið er byrjað og heldur á nakrar vikur fram.