Súkkla verður kl. 11.15 frá Smæruni á Kjalarvegi 48, men áðrenn fráferðin verður skipað fyri hugnaløtu við tónleiki, røðum og ábiti. Børn úr dagstovninum, Blákollan selja myndlist og lata stuðulin til Team Rynkeby. Eisini verða tvær gávuhandanir. 

Kl. 10.30 byrjar tiltakið. Karl Johansen, borgarstjóri, og Sigrun Niclasen, umboðandi Team Rynkeby, halda røður og aftaná verður bjóðað kaffi og lagkøka í Smæruni. Eisini verður okkurt gott til børnini. 

Øll eru hjartaliga vælkomin