Tíðindi
04.07.2024
Vøllurin á Djúpumýru handaður
Seinnapartin í dag varð vøllurin á Djúpumýru formliga handaður Klaksvíkar kommunu. Tað er minni enn ein mánaður síðani, at avtala varð undirskrivað um keyp av nýggjum vølli, so sigast má, at arbeiðið hevur gingið væl, hóast veðrið hevur darvað nakað.
FSF hevur longu góðtikið vøllin, og í løtuni kannar ein kanningarstova, vegna UEFA, vøllin, soleiðis at vøllurin eisini verður góðkendur til altjóða dystir. Tær kanningar, sum longu eru gjørdar, síggja gott út, og tí er alt sum bendir á, at vøllurin á Djúpumýru fær ein sokallaða UEFA Pro góðkenning.
Besta mansliðið hjá KÍ hevur vant nakrar ferðir á nýggja vøllinum, og í kvøld hevur KÍ ein týðandi dyst ímóti B36.
Klaksvíkar kommuna ynskir KÍ góða eydnu við dystinum.
Onnur tíðindi
18.10.2024
Hvørji frítíðartilboð eru í kommununi?
16.10.2024
Vatntrýstið óstøðugt á eystursíðuni
15.10.2024
Almennur kunningarfundur um kommunuætlanina
10.10.2024