Tíðindi
Fríggjadagin 27 februar eru júst 20 ár síðani Húsið læt hurðarnar upp fyri børnum og ungum í Norðoyggjum á fyrsta sinni. Tað skal sjálvandi hátíðarhaldast!
Vit vilja fegin bjóða øllum - stórum og smáum, høgum og lágum, ungum og gomlum - og øllum har ímillum - inn at hátíðarhalda dagin saman við okkum.
Vit lata hurðarnar upp kl. 16.30 og skráin við røðum, tónleiki og onkrum søtum til góman, byrjar kl. 17.00
Frá kl. 20.00 er kvøldið ætlað teimum ungu frá 7. flokki og upp. Tá er silent disco og konsert við Adrenaline á skránni, umframt at Tekniski skúli fer at borðreiða við onkrum smávegis til matna.
Vit eru spent at bjóða tykkum inn í okkara deiligu hølir í Bøgøtu, og at gleðast saman við tykkum um, at Klaksvíkar Kommuna valdi at gera eina íløgu í okkara fantastisku børn og ungu.
Vit vóna at síggja nógv fólk, siga tey í Húsinum.
Heilsugott ábit til børn og ung í Húsinum – gáva frá býráðnum
Sóley Sjúrðaberg sett í starv sum integratiónssamskipari í norðurøkinum
Kirkjubrekka stongd fyri ferðslu
