Øll, sum hava eitt hugskot, stórt ella lítið, eru vælkomin at tekna seg til eitt prát við okkum við at skriva navn og upplýsa, í hvørjum øki viðkomandi er búsitandi, til info@visitnorth.fo.

Vit byrja við, at Visit North hevur einstaklingafundir við tey, sum hava áhuga at luttaka í íverksetaraskeiðnum. Á fundunum práta vit um hugskotini, hvat er ávegis, og hvørjir spurningar eru, ella hvørjari serfrøðingaráðgeving tørvur er á fyri at koma víðari.

Íverksetaraprát verða hildin:

• 5. oktober í Hvannasundi frá kl. 15.00 og úteftir
• 7. oktober á Viðareiði frá kl. 15.00 og úteftir
• 19. oktober á Kalsoynni frá kl. 16.00 og úteftir
• 21. oktober í Kunoy frá kl. 15.00 og úteftir
• 26. oktober í Klaksvík frá kl. 15.00 og úteftir

Fyri áhugað, sum eru búsitandi í Fugloy ella Svínoy, verður avtala gjørd við hvønn einstakan um tíð og stað fyri íverksetaraprát.

Við støði í hesum verður eftirfylgjandi skipað fyri einum íverksetaradegi saman við Íverksetarahúsinum, har viðkomandi serfrøðingar verða knýttir at eftir tørvinum hjá luttakarunum.

Endamálið er at geva luttakarunum ítøkilig og viðkomandi ráð fyri at stuðla undir, at hugskotini gerast til veruleika.