Broytingar í byggisamtykt

Broyting í almennu byggisamtyktini sambært almenna lýsing í oktober 2018

Við hesum verða uppskot til broytingar í Almennu byggisamtyktini fyri Klaksvíkar kommunu løgd fram til alment eftirlits. Talan er um seks broytingar, og niðanfyri ber umvegis leinkini til at síggja samlaðu kunngerðina og harumframt hvørja broyting fyri seg.

Broytingarnar liggja frammi til og við 31. oktober 2018.

Kæruvegleiðing

Við heimild í løgtingslóg nr.13 frá 21.mai 1954 um býarskipanir og byggisamtyktir við seinni broytingum og vísandi til almennu lýsingina dagf. 9. oktober 2018 um broyting í Almennu Byggisamtyktini fyri Klaksvíkar kommunu, skulu møgulig mótmæli ella broytingaruppskot vera kommununi í hendi í seinasta lagi  21. november 2018.

Vísandi til § 6, stk. 2 í somu lóg, verða innkomin mótmæli ella broytingaruppskot, sum býráðið ikki tekur við, send inn saman við uppskotinum, tá hetta verður sent landstýrismanninum til góðkenningar.

Klaksvík. 9. oktober 2018

Klaksvíkar Býráð