Nýggjastu tíðindi

16/05/2019

Starvslýsing: Umsitari til Maritima depilin


- Ert tú okkara nýggi umsitari av Maritima deplinum hjá Klaksvíkar kommunu? Talan er um eitt tíðaravmarkað starv, fyribils í eitt ár, har tú sum umsitari kemur at vera við til at menna tað maritima økið rundan um smábátarnar í Klaksvíkar kommunu.

Arbeiðsuppgávur

·  Dagligt viðlíkahald av bátabrúgvunum í kommununi.

·  At loysa uppgávur verkliga og sum ráðgevi, tá bátabrúgvar verða skiftar út.

·  Tryggjar, at bátabrúgvar verða brúktar á ein forsvarligan og skilagóðan hátt.

·  Umsitingarliga at vera á staðnum og verða fyrsta liðið millum bátaeigarar, Klaksvíkar havn og Klaksvíkar kommunu.

o Umsita kortini til el.

o Taka ímóti og tryggja at gjald verður tikið fyri gestapláss.

o Samskipa leiklutin hjá smábátum í samband við størri tiltøk í býnum.

o Tryggjar eitt smidligt samskifti um ynskini hjá bátaeigarum inn til kommununa

 

Førleikakrøv
Vit vanta, at tú hevur royndir innan handaligt-/handverksligt arbeið, umframt áhuga fyri tí Maritima økinum. Somuleiðis vænta vit, at tú ert røkin, arbeiðssom/samur og vælskipað/ur. Tú dugir at arbeiða sjálvstøðugt, ert fyrikomandi og ein arbeiðsglaður viðleikari, ið gevur eitt jaligt íkast til arbeiðs- og maritimaumhvørvið.

Setanarviðurskifti
Talan er um eitt tímalønt fulltíðarstarv, ið verður lønt eftir sáttmála millum Føroya Arbeiðsgevarafelag og Føroya Arbeiðarafelag ella Føroya Handverkarafelag. Arbeiðstíðin er ímillum kl. 08.00 og 17.00 gerandisdagar, tó kann talan verða um nakað av arbeiði í vikuskiftum og um kvøldarnar, serliga í summarhálvuni tá smábátar koma á vitjan.
Arbeitt verður út frá havnaskrivstovuni við tilvísing til Havnastjóran.

Umsóknir
Umsókn við prógvum, lívsgongdarlýsing (cv) og øðrum viðkomandi skjølum kann sendast sum teldupostur til klaksvik@klaksvik.fo

Til ber eisini at senda umsóknina sum vanligt bræv til:
Klaksvíkar kommuna, Postsmoga 2, 710 Klaksvík, Mrk. Arbeiðsfólk til Maritima depilin

Umsóknin skal vera okkum í hendi í seinasta lagi mánadag 4. juni kl. 12.00.
Nærri upplýsingar um starvið kunnu fáast við at venda sær til Eirik í Jákupsstovu, Vinnu og Mentanarstjóra, á tlf.: 221813 ella Meinhard Petersen, Havnastjóra, á tlf. 455081.

Nýtt í kommununi

Jólatræshaldið í Svínoy avlýst
04/12/2020

Jólatræshaldið, sum skuldi verða í Svínoy í morgin, leygardagin 5. desember, er avlýst vegna veður. Les meira »

Reingerðarfólk til Barnahúsið Margit
03/12/2020

Klaksvíkar kommuna søkir eftir reingerðarfólki til Barnahúsið Margit. Starvið er eftir ætlan sett at byrja 4. januar 2021, ella sk… Les meira »

Dagrøktarar til Klaksvíkar kommunu (endurlýsing)
03/12/2020

Talan er um eitt fast starv og eitt avloysara starv (fram til 1. okt. 2021).  Størvini verða eftir ætlan sett 1. januar 2021 ella… Les meira »

Vís fleiri