Tíðindi

12.08.2019
Skráin fyri Føroya Sjómannadag 2019

Føroya Sjómannadagur hevur til endamál at nøra og varðveita áhugan fyri fiskivinnuni á sjógvi og á landi, og at kveikja áhuga fyri tí, ið hevur við sjógvin at gera.

Hetta verður gjørt uppá ein hugnaligan, gevandi og rúsfríðan hátt, so at familjur og fólk í øllum aldursbólkum kunnu njóta gleði av hesum tiltaki.

Øll tiltøk, matur og annað sum vit bjóða øllum í vitja Føroya Sjómannadag eru ókeypis. Hetta er gjørligt takka verið vælvild frá virkjum, skipum, felagsskapum, privatpersónum og stuðlum úr øllum landinum.

  

MÁNADAGIN 12. AUGUST

Kl.19:30: Fiskur sum matvøra í Føroyum í søguligum baksýni.

Jóan Pauli Joensen, Professari í mentan og søgu heldur fyrilestur.

Eftir fyrilesturin verður høvi at seta spurningar.

Fyrilesturin verður á Skúlatrøð.

 

TÝSDAGIN 13. AUGUST

kl. 19.30:  Støðan hjá línu- og útróðrarflotanum & umstøðurnar hjá fiskivinnuni í mun til umstøðurnar hjá alivinnuni.

Bjarni Árnason frá grannskoðaravirkinum Numo leggur fram.

Fyrilesturin verður á Skúlatrøð.

 

MIKUDAGIN 14. AUGUST

Kl. 20.00: POLITISKUR VALFUNDUR á Skúlatrøð.

Valfundur har øll valevnini, sum eru uppstillað í Norðoyggjum, sleppa framat at greiða veljarunum frá sínum boðskapi.

Øll valevni, sum eru uppstillað í Norðoyggjum fáa høvi og nakrar minuttir at siga teirra hjartans meining, nú løgtingsvalið stundar til, og í skrivandi stund eru trý fólkafloksvalevni, tvey sambandsvalevni, fýra javnaðarvalevni, tvey sjálvstýrisvalevni, trý tjóðveldisvalevni og eitt miðfloksvalevni til dystin fús. Valevni úr Norðoyggjum eru skilmarkað soleiðis, at tey eru uppstillað av valfeløgum í Norðoyggjum.

Áhoyrarar kunnu seta spurningar til valevnini bæði munnliga og skrivliga.

Jóhann Lützen, samfelagsfrøðingur og stjóri á Norðlýsinum, verður orðstýrari.

 

HÓSDAGIN 15. AUGUST

kl. 19.30: Jógvan við Keldu greiður frá:

Søguliga nýhugsanin Klakksvíkar Hermetikk (Bollafabrikkin).

Nýggjar tíðir: Regin Jacobsen, stjóri í alifyritøkuni Bakkafrost, greiður frá nýhugsan og avbjóðingum í framtíðini.

Fyrilestrararnir verða á Skúlatrøð.

 

FRÍGGJADAGIN 16. AUGUST 

Kl. 18.00: Stór fiskikapping á Kósabrúnni fyri børn undir- og í fólkaskúlaaldri.

Tilmelding til fiskikapping og vatnkríggj er í Norðoya Sparikassa í Klaksvík frá mánadegnum 12. august til fríggjadagin 16. august kl. 15 í deildini hjá Norðoya Sparikassa í Klaksvík. Børnini fáa vatnpistólar ókeypis kl. 19 (beint eftir fiskikappingina) á Kósabrúnnin og á vestarubryggjuni (avmarkað nøgd) at brúka til vatnkríggið.

Agn kann fáast á bryggjuni frá fyrireikarunum.

Tá liðugt er at fiska skal navn og mobiltelefonnummar hjá lutakara skrivast á lítla pappírslepa har navn, aldur og mobiltelefonnummar hjá luttakaranum skal skrivast á. Pappírslepin skal koyrast í lítla plastposan sum verður koyrdur í tann stóra posan saman við størsta fiskinum. 

Tá fiskikappingin endar kl. 19 verður plastposin við størsta fiskinum handaður fyristøðufólkunum.

Hinir fiskarnir, sum ikki skulu latast inn skulu tveitast á sjógvin um teir eru livandi ella koyrast í stóra fiskakassan, sum stendur mitt á kósabrúnni har fyrireikararnir halda til.

Silvi vitjar og børn og vaksin fáa kakao, sunnkist og góðgæti á Kósabrúnni meðan fiskað verður.

Vinnararnir av fiskikappingini verða uppringdir so skjótt úrslitið av kappingini er greitt. Heiðursmerki og vinningar  verða handaðar á stóra pallinum í samband við stóra kaffiborið, sum verður leygarmorgunin 17. august kl. 10:30.

Fiskikappingin er deild í fýra bólkar: 

     Gentur undir fólkaskúlaaldur.

      Dreingir undir fólkaskúlaaldur.

      Gentur í fólkaskúlaaldri

      Dreingir í fólkaskúlaaldri.

 

Kappast verður um at fiska størsta fiskin.

Vinnarar í omanfyri nevndu bólkum fáa gull, silvur, bronsumerkir, og eitt atgongumerki frá Cirkus Baldoni, umframt annað gott.

Tann, ið fiskar allarstørsta fiskin, verður útnevndur FISKI-KONGUR/DROTNING og fær ein serstakan vinning. Eisini fer umboð frá Havstovuni í stuttum at siga nøkur orð um vinnandi fiskin.

Tey, sum av einhvørjari orsøk ikki hava melda til fiskikappingina ella vatnkríggið, kunnu melda til hjá fyrireikarunum á bryggjuni beint undan fiskikappingini ella vatnkrígginum.

 

Kl. 19.00: Stórt Vatnkríggj millum bátar og skip 

Eftir at stóra fiskikapping er endað leggja skip og bátar at Kósabryggjuni og taka fólk umborð og síðani verður kríggjast millum bátarnar á Vánni. 

ØLL SKULU VERÐA Í BJARGINGARVESTUM!

Sløkkilið og bjargingarfeløg úr øllum landinum luttaka í vatnkrígginum. 

Tað er ikki loyvt at kasta vatnballónir á sjógv!

Siglt verður í ring inni á Vánni og kríggið endar tá sjóverjuskipið Brimil blæsir tríggjar ferðir við stóra skipslúðrinum. 

 

TRYGDARBOÐ: Allir bátar SKULU lurta á VHF-inum á Kanal 6. 

Siglt verður móti klokkuni runt sjóverjuskipið Brimil sum sprænir sjógv upp í loft við stóru vatnkanónum sínum og fram við bryggjukantinum á vestursíðuni har danska sjóverjuskipið og Hans á Bakka liggja við vatnkanónum/vatnsproytum og fram við vestur bryggjuni har vatnkríggj er á bryggjuni (Kaptein Gardar vatnkríggi) og so aftur runt Brimil.

Um Brimil blæsir í lúðurin (eitt langt floyt) undir vatnkrígnum, skulu bátar og skip leggja stilt beinan vegin. Brimil blæsur í gongd aftur við tveimum stuttum floytum.  

Vatnkríggi endar við at Brimil heilsar tríggjar ferðir við lúðrinum

Øll sløg av skipum og bátum kunnu luttaka í vatnkrígnum. Bátar og skip sum ætlað at luttaka verða vinarliga biðin um at boða frá við at ringja til Eyðstein Poulsen tlf.. 217014 og siga frá. 

Heitt verður á allar bátar og skip um at síggja til at eingin stendur eftir á Kósabryggjuni.

 

Kl. 19.00: Kaptein Gardar Vatnkríggj 

Á vestursíðuni frammanfyri Northern Fish Cold Storage, skipar Kaptein Gardar fyri vatnkríggj fyri smærri børn og teimum, sum ikki ynskja at verða umborð á bátunum. 

Kaptein Gardar og aðrir sjórænarar verja seg móti børnum við vatn kanón o.ø.. 

Øll - bæði børn og vaksin, sum luttaka í vatnkrígnum, kunnu roknað við at gerast dýggj vát og tí er umráðandi, at verða í heitum klæðum.

* Tað er ikki loyvt at kasta vatnballónir á sjógv!

 

 
LEYGARDAGIN 17. AUGUST 

 
Kl 09.00: Føroysku træseglskipini og motorbátar hittast á Pollinum og seta segl. 
 
Kl. 10.00: Seglskipini koma á Klaksvík og leggja at bryggju innast í krókinum við Stórukaj. Jóhanna TG 326, Westward Ho, Dragin, Brimnes, Norðlýsið og Thorshavn.

 
Kl. 10.30: Merkið vundið á stong 
Umboð fyri manning, sum hevur longstu leið til Føroya Sjómannadag, heysar Merki í húnar hátt meðan Tjóðsangurin verður sungin. 

STÓRT KAFFIBORÐ Á BRYGGJUNI

Tá tjóðsangurin er sungin er borðreitt við Kaffi, Te, Kakao, Sjómannabolla og vinarbreyði á bryggjuni.
 
Kl. 10.40: Jógvan Skorheim, borgarstjóri, bjóðar vælkomin. 

Høgni Hoydal, landsstýrismaður í fiskivinnumálum, setur Føroya Sjómannadag og handar bestu skipum og bátum í Føroyum, heiðursmerki. 
 

Heiðursmerki handaði til vinnarar av fiskikappingini

og tann sum hevur fiska allar størsta fiskin verður útnevndur Fiskikongur/drotning.

Granskarar frá  Havstovuni fara at skera vinnandi fiskin upp á pallinum og greiða í stuttum frá fiskinum.

 

Skipalista-Kvissin.
Undankapping til stóru finaluna í spurnar kappingini hjá Skipalistanum, sum verður á stóra pallinum kl. 15:15.

 

Føroyameistarakapping – Vinda hespur upp í noða.

Kappingin er fyri pør. 
Tilmelding á pallinum.

Føroyameistararnir fáa eitt vikuskifti fyri tvey í mai á Hotell við fullari pensjón.

Silvurvinnarin fær tinganest frá DAMFAR

Bronsuvinnarin fær tinganest frá DAMFAR

 

Kl. 11.00 – 18.00: Listaframsýningar.
Lydia Petersen, Magna Auðunsson og onnur sýna fram í stóra tjaldinum.
Edward Fuglø hevur opið atelier í gomlu Sýslumans húsunum.  
 

Kl. 11.00-16.00: Norðoya Fornminnasavn opið  
 
Kl. 11.00 – 19.00: Rógving fyri børn og ung á flakum í grunnum hyli á bryggjuni. 
 
Kl. 11.00 – 17.00 Sjórænaraskip og bátar leggja at bryggju og sigla túrar við børnum.

Kaptein Gardar & Stampi skipa fyri SKEIÐI FYRI LÍTLAR SJÓRÆNARAR . 
Børn undir og í skúlaaldri kunnu royna sýni kynstur sum Sjórænarar. 
Øll, sum klára royndirnar, fáa eitt diplom frá Kaptein Gardar & Stampi. 
 
Kl. 11.00 – 17.00: Vilt á sjónum:  Uppliving fyri lívið – bæði fyri børn og vaksin

- Túrar við speedbátum, sum ganga 70 míl. …. ÓKEYPIS!!!
- Royn teg hangandi afturúr speedbátum, sitandi  á luftpútum…..ÓKEYPIS!!! 

 

Kl.11.00 – 17.00: UMBORÐ Á JÓHANNU verða tveir róðursmenn við stýrisvølin, sum eru ílatnir gomul sjóklæðir, hesir greiða frá, hvussu róðursmaðurin stýrir við stýrisvølinum eftir kumpass, greiðir frá um veður og vind, seglføringina, - vísir fram gamlan fiskireiðskap sum ongul, stein, fiskisnøri við teini, blýggjlodd, súlu, vaðbein í lúnning, lippukassan o.a. Fólk kunnu eisini sleppa at kasta snøri.

 
Kl. 11.00 – 17:00: UMBORÐ Á WESTWARD HO verða tveir mans ílatnir føroyska húgvu, skipstroyggju, stivlar/tuflur og vøttir - hjálpa fólki at hála t.d. fokkuna ella mesanin - upp og niður, leggja undir lippuna, halda tørn og seta fast á kuffilnaglan. Síðani at gera fallið upp. 
 

Kl. 11.00 – 17.00: UMBORÐ Á SKÚLASKIPINUM DRAGIN verður Kahúttin rigga um til skúlastovu við øllum tólum og undirvísingartilfari, sum næmingarnir vanliga nýta. Greitt verður frá, hvussu vit ígjøgnum árið nýta skúlaskipið til undirvísing. Eisini ber til at heysa okkurt segl upp og niður. 

 

Kl. 11.00 - 17.00: Havstovan í stóra tjaldinum á Sjómannadegnum

Prøva-tøkuskipanin til fiskakanningar hjá Havstovuni verður víst í stóra tjaldinum. 

Eisini nytrutøka, aldursgreiningar og magakanningar.

 
Kl. 13.00 – 19.00: FØROYA ÁTILIGASTA FISKABORР
 
----

 
JFK bjóðar aftur í ár Fish & Chips á Sjómannadegnum.

Fiskurin er fyrstafloks toskur frá Gadus, meðan chipsini verða framleidd við nýggjum eplum úr Onglandi, sum eru serliga væl egnaði til endamálið. 
 
Aftur í ár fara brøðurnir Gavin og Craig Lewis frá matstovuni Lewis’s Fish & Grill at kokkast.

Eins og í fjør ársins vinnari av kappingini ”Young Fish Frier of the Year 2019” í Stórabretlandi.  Og í ár gjørdist vinnarin ein kvinna -  kokkurin Lauren Kellaway frá Kellaway’s Fish & Chips.

JFK hevur sostatt útgjørt seg væl at servera Fish & Chips til allar gestirnar á Sjómannadegnum. Fyri at stytta um tíðina í bíðirøðini, kann hvør persónur í mesta lagi fáa fýra portiónir. 
 
Føroya Bjór bjóðar sodavatn og vatn afturvið. 

Opið verður frá kl 13, og so leingi sum fólk ynskja at fáa Fish & Chips. 
 

-----
 

Bakkafrost á Sjómannadegnum

Bakkafrost eru errin av teirra vælsmakkandi og heilsugóða laksi, aldur á føroysku firðunum. Á Sjómannadegnum fer Bakkafrost aftur í ár at borðreiða við ókeypis smakkiroyndum og verður møguleiki at sleppa umborð á M/S Hans á Bakka.

Legg leiðina framvið og heilsa uppá og royn hesar leskiligu smakkiroyndir. 

Hesar fara vónandi at geva tær íblástur til aðrar laksarættir.

-----
 

Samtakið Christian í Grótinum bjóðar Makrel.
 
Á sjómannadøgunum í ár hava vit valt at gera ein rætt við heittroyktum makreli, sum verður royktur á staðnum og eftir ætlan borðreiddur flógvur. 
 
Afturvið er ein eplasalat og nakað av súltaðum reyðleyki. 
 
Makrelurin er fiskaður í juli 2019 og er rætturin vit bjóða í ár enn eitt dømi um hvussu vit kunnu eta fyrstafloks makrel sum er fiskaður á leiðunum runt Føroyar.
 
Omaná bjóða vit kaffi og eina rabarbu desert frá Amarant. 
 

----
 
 
Kl. 13.00 – 17.00: Opið skip umborð á danska sjóverjuskipinum  Knud Rasmussen. Manningin vísur runt og bjóðar pannikøkur, kaffi og saft.
 
Kl. 13.00 - 17.00: Opið skip umborð á Brimli. Manningin bjóðar heitar vaflur og Kakao. 

Kl. 13.00 - 18.00: Opið hús á Looknorth. 
Til ber at síggja hvussu framleitt verður EPS (flamingo) og hart plast. 
Høvið verður  at uppliva framkomnu framleiðsluna meðan víst verður runt á virkinum og Looknorth bjóðar kaffi og vaflur. 

Kl. 13.00 - 17.00:  Framsýing í Looknorth
Vardi verkstaðurin á Brekku og virkis- og tilhaldsstaðið Gloym Meg Ei, sýna fram. 
 
Kl. 13.00 - 17.00: Ókeypis kramarísar. Føroya Sjómannadagur bjóðar ókeypis kramarísar til børn og vaksin. 
 
Kl. 13.00 – 17.00: Norðoya bjargingarfelag hevur opið skip umborð á bjargingarbátinum Ziska 
 
Kl. 13.00 – 17.00: Bláikrossur deilir ókeypis ballónir út til børn. 
 
Kl.13.00 – 17.00. Silvi skipar fyri fiskidammi í stóra tjaldinum. 
 

Kl. 13.15: Skera upp grind. Grindamannafelagið vísir hvussu hvalir verða skornir upp. 
Frásøgumaður greiður frá baði á føroyskum og enskum. (Tiltakið verður einans um vit fáa hendur á grindahvali)

Kl. 13.30: Bjargingarroynd við Tyrluni hjá Atlantic Airways og Norðoya Bjargingarfelag. 
Samstundis hevur Klaksvíkar Sløkkilið venjing. 
 
Kl. 14.00 – 17:00: Føroyameistarakapping – Kassastabling. Norðoya MC skipar fyri.

Vinnarin fær stórt tinganes frá DAMFAR

 

14.00 – 18.00: Silja-Star siglir til Kópakonuna í Mikladali við ferðaleiðara. 
Túrurin tekur uml. 50 min. frá tí farið verður úr Klaksvík til lagt verður at bryggju aftur í Klaksvík. 

Siglt verður frá Stórukaj: kl.14.00, 15.10, 16.20 og 18.00
 

Kl. 14.00:  Føroyameistarakapping - Agnskering 
Tilmelding á pallinum.

Vinnarin fær eitt vikuskiftið við fullari pensjón á HOTEL FØROYUM

Silvurvinnarin fær stórt tinganest frá DAMFAR

Bronsuvinnarin fær stórt tinganest frá DAMFAR

 

Kl. 14.15: Føroyameistarakapping í egning. Tilmelding á pallinum

Føroyameistarin fær gullheiðursmerki og gávukekk á 5.000 kr. frá Kjølur.
Silvurvinnarin fær gávukekk á 3.000 kr. frá Kjølur.
Bronsuvinnarin fær kr. 2.000 kr. frá Kjølur. 

 

Kl. 15.00: Føroyameistarakapping í køkubaking. 
Heiðursmerki verða givin fyri smakk, kreativitet og teknikk.

Køkudómarar: Ranva Knudsen, Jóhanna á Tjaldrafløtti og Olevina Sundsskarð.

Køkurnar skulu latast inn í stóra tjaldinum kl. 13.

Vinningar:      

Besti smakkur:  Gávukort á kr. 5.000 frá Atlantic Airways 
 
Kreativitetur:     Vikuskifti Hotel Hafnia við fullari pensjón

Teknikkur:         Gávukort á kr. 3.000,- frá FK 

 

Kl. 15.00 – 16.00: Harmonikutónleikarar, frá Fuglafjarðar Harmonikufelag, spæla kend løg í stóra tjaldinum.

Kl. 15.15: Skipalista-Kvissin. FINALAN – spurnarkapping.
Ernst S. Olsen og Gunnar Nolsøe eru vertir.

Vinnararnir fáa Samsung 52” flatskerm frá ELDING

Silvurvinnararnir fáa Gávukort á 1.000 kr. frá FK

 

15.25: Svimjikapping á Vánni 
Svimjifelagið ÆGIR skipar fyri svimjikapping tvørtur um Vánna. Tilmelding hjá ÆGIR. 
Kappast verður í bólkum: Menn, Kvinnur (25 ár og eldri), Dreingir og Gentur (undir 25 ár)

Vinningar:

Menn 25 ár og eldri:

Samsung Galaxy Watch active fartelefon frá FØROYA TELE

Kvinnur 25 ár og yngri:

Iphone XR fartelefon frá FØROYA TELE

Dreingir 24 ár og yngri:

JBL flip 4 hátalari frá FØROYA TELE

Gávukort á kr. 1.000,- frá BÓNUS

Gentir 24 ár og yngri:

Plantronics back beat go 600 oyrabúffara frá FØROYA TELE

Gávukort á kr. 1.000,- frá BÓNUS

 

 

17. 00: Føroyameistarakapping – Trolbøting. Tilmelding við pallin.

Føroyameistarin fær eitt gávukort á kr. 5.000,- frá Atlantic Airways
Silvurvinnarin fær eitt gávukort á kr. 2.000,- frá FK
Bronsuvinnarin fær eitt gávukort á kr. 2.000,- frá BÓNUS

 

Kl. 17.30: Togtogan millum skipsmanningar. Tilmelding á pallinum, 8 persónar pr. lið.

Føroyameistararnir fáa 12 gávukort frá Smyril Line á kr. 1.000,-

Silvurvinnararnir fáa 12 gávukort á kr. 500,- frá BÓNUS.

 

Kl. 18.00: Innleiðandi kapping – Sjómannstak (Tilmelding á pallinum) 

Føroyameistarin fær eitt gávubræv frá Atlantic Airways á 5.000 kr.

Silvurvinnarin fær fávukort á kr. 3.000 frá FK.

Bronsuvinnarin fær gávukort á kr. 2.000 frá FK 

 

18:30: Føroyameistarakapping – Halda dregg 
Tilmelding á pallinum

Føroyameistarin far ein Samsung 52” flatskerm frá ELDING

Silvurvinnarin fær gávubræv á kr. 3.OOO frá FK

 
19.00: Føroyameistarakapping – Sjómannstak FINALAN

Føroyameistarin fær eitt gávubræv frá Atlantic Airways á 5.000 kr.

Silvurvinnarin fær fávukort á kr. 2.000 frá FK.

  
Kl.19.10 (umleið)
Felagssangur í stóra tjaldinum. 
Tá FM í Sjómannstaki er liðugt fara Hans Hjalti Skaale og Hóraldur Joensen at skipa felagsang við sjómannsvísum í stóra tjaldinum á bryggjuni.
 

 

kl. 20.10: Klaksvíkar Dansifelag skipar fyri tiltaki um Brókatátt í Spaniastovu.

Brókatáttur er yrktur uml.. 1750 um eina hendingaríka útróðrarferð í 1746, har Jóannes Niklasson kemur í holt við eina yvirvaksna flundru.

Jónleif Johannesen, greiðir stutt frá Brókatátti, søgugongd, yrkjara og táttaørindum, sum eru knýttir at havinum.

Jógvan Ravnsfjall, greiðir frá um útróður í Føroyum í uml.. 1750, um tað mundi tá hendingin í Brókatátti fer fram.

Eftir hetta verður farið uppá gólv at kvøða Brókatátt. Jónleif Johannesen skipar.

 

 
SUNNUDAGIN 18. AUGUST: 
 
11.00: Sjómansguðstænasta í Christianskirkjuni. 

Marjun Lómaklett sóknarprestur prædikar. 

Harmonikuvinir luttaka.

Andras Sólstein luttekur við hornblástri.

 

VÆLKOMIN Á FØROYA SJÓMANNADAG 2019

Onnur tíðindi
27.03.2024

Klaksvíkar kommuna um páskirnar

23.03.2024

Sløkkja ljósini í ein tíma

21.03.2024

Klaksvíkar kommuna 2040

20.03.2024

Býráðsfundur 21. mars