Borgarstjórin, Jógvan Skorheim varð eisini boðin við, og nýtti hann høvið at takka Lenu fyri drúgva og trúfasta tænastu, sum er komið fleiri ættarliðum av klaksvíkingum til góðar. Eisini Unn Jacobsen, leiðari á Barnatannrøktini helt røðu fyri Lenu. Hon duldi ikki fyri, at saknurin verður stórur, tí Lena hevur verið bæði arbeiðsom og dugnalig, og so hevur hon ótrúlig evnir til at fjálga um sínar starvsfelagar.

Klaksvíkar kommuna takkar Lenu fyri drúgva og trúfasta tænastu í øll hesi ár.
Blíðan byr framyvir.