Nýggjastu tíðindi
Ein nýggj føroysk fíggjarloysn til íverksetarar
Íverksetarahúsið, Vinnuframi og Visit Faroe Islands samstarva um nýggjan føroyskan crowdfunding portal, við navninum Hópfígging. Íverksetarahúsið umsitur portalin í samstarvi við íslendsku fyritøkuna Karolina Fund, sum hevur ment portalin.
Hópfíggingarportalurin verður kunngjørdur í Íverksetarahúsinum týsdagin 08.oktober 2019, kl.14:00, og tað verður Helgi Abrahamsen landsstýrismaður í vinnu- og umhvørvismálum, ið kunnger portalin.
Við Hópfígging er møguligt hjá einum og hvørjum at stuðla, teimum verkætlanunum sum fangar teirra áhuga.
Hópfígging virkar soleiðis, at ein og hvør við einum góðum hugskoti til eina verkætlan, er vælkomin at leggja sítt hugskot út á hópfíggingarportalin, og soleiðis søkja fígging til sína verkætlan. Verkætlanareigarin kann lýsa sína verkætlan á portalinum ígjøgnum tekst, myndir, video osfr. Harumframt verður tað lætt og ómakaleyst at deila verkætlanina á teimum sosialu miðlunum.
Endamálið við Hópfígging er at stuðla og menna íverksetan í Føroyum, við at gera tað lættari hjá íverksetarum og íleggjarum at finna hvønn annan, og harvið geva íverksetum møguleika at deila síni góðu hugskot, og samstundis fáa fígging.
Til ber at lesa meira um Hópfígging á www.hopfigging.fo ella á okkara heimasíðu www.iverksetan.fo
Nýtt í kommununi
Nógv ymisk tiltøk hava verið á skrá, og hava tey verið væl vitjaði øll. Talan hevur verið um ein rúgvusmikla skrá við heili 56 ymi… Les meira »
Leygardagin kl. 15.00 verða trý ymisk innsløg í miðhøllini á Skúlatrøð. Víst verður brot úr filminum Trolmenn, sum sjónvarpssnilli… Les meira »
Eitt spennandi torravikuskifti stendur fyri framman við hópina á skrá. Torrarenning og heilsukafé á Klaksvíkar Sjúkrahúsið, har tú… Les meira »