Í hesi løtu verður síðsta hond løgd á strekkið av “Klaksvíksskákið”, sum verður íbundið Víkavegin, omanfyri Klaksvíkar Sjúkrahús. Í dag eru menn hjá HJ-Asfalt á staðnum, nú tað verður asfalterað. Eftir niðaru síðu verður gongubreyt gjørd. Leiðingar er lagdar til ljós í ovara borð, so næsta stig at fáa ljós og mastrar upp at standa.

Tað er at fegnast um, at hesin vegurin nú verður liðugur og kemur hetta at lætta nógv um ferðsluna, bæði hjá gangandi og koyrandi.