Nýggjastu tíðindi

30/03/2021

63 hús og bygningar fáa dagført kloakkviðurskiftini


Arbeiðið, at betra um spillivatnsskipanina og kloakkviðurskiftini við Heygavegin, er vorðið meira umfatandi enn áður mett. Arbeiðstøkan, sum umfatar 63 bygningar, er deild upp í fimm økir, sum eftir ætlan verður liðugt seinni í ár.

Tá arbeiðið fór í gongd í november, sást, at verandi spillvatn- og kloakkskipan var sera slitin. Eisini var vegurin og undirlagið undir vegnum í sera ringum standi, umframt at partar av undirlagnum innihelt mógv, sum nú er grivið upp og burturbeint.

-        Arbeiðið hevur verið umfatandi og kravt neyva samskipan, har bæði kommunan, SEV og Føroya Tele hava gjørt ymiskt arbeiði. Harumframt er arbeiðið eisini seinka av nógva kavanum sum lá í januar og februar, sigur Kristoffur Olsen, leiðari á kloakk og Vegadeildini.

Hetta merkir, at øll breiddin av vegnum verður bygd upp av nýggjum, og nýggir vegbrunnar lagdir í. Nú er arbeiðið í sjálvum vegkassanum um at vera liðugt, og roknað verður við, at klárt verður at asfaltera fyrstu 100 metrarnar eftir páskir, umframt at nýggir kantsteinar skulu leggjast.

Nevnast kann eisini at kaðalarbeiðið hjá SEV, sum liggur frá Varmakeldueiði, umvegis Leirvíkstunnilin og Norðoyatunnilin, er um at vera liðugt. Kaðalin er nú lagdur og skjótt verður klárt at tendra fyri nýggju el-veitingar leiðini.

Nú tað skjótt verður koyrandi eftir Heygavegnum aftur, so er kloakkarbeiðið í økinum ikki heilt liðugt enn. Tá verandi arbeiðið er liðugt, verður tað eftir ætlan hildið áfram við kloakkskipanini á Eiðinum, sum helst er eins gomul sum tann á Heygavegnum.

Nýtt í kommununi

Grótbrotið fingið nýggja maskinu
15/04/2021

Herfyri samtykti býráðið at útvega eina nýggja maskinu til Grótbrotið. Í dag kom so nýggja snotiliga maskinan, sum er útvega av Aw… Les meira »

Námsfrøðingur til stovueindina á Brekku
15/04/2021

Klaksvíkar kommuna søkir eftir námsfrøðingi til stovueindina á Brekku. Talan er um stovu við børnum í aldrinum 0 til 3 ár. Les meira »

Kommunustjóri til Klaksvíkar kommunu
14/04/2021

Endurlýsing: Hevur tú hug at stjórna størsta arbeiðspláss í Norðoyggjum? Kommunustjórin er ovasti umsitingarleiðari í kommununi… Les meira »

Vís fleiri