Thomas settur í starv sum kommunulækni í Norðoya læknadømi

22.10.2021

Heilsutrygd hevur sett Thomas Berthou í starv sum kommunulækni í Norðoya læknadømi. Thomas er settur í starvið, sum Magnus Magnussen í mong ár røkti.

Thomas Berthou nam sær embætisprógv innan læknafrøði í 2007 og fekk serlæknagóðkenning í almennum medisini í 2014.

Hann arbeiddi sum kommunulæknaavloysari í Klaksvík eitt hálvt ár í 2014 og hevur síðan arbeitt sum kommunulækni í Tønder í Suðurjútlandi.

Thomas Berthou tekur við starvinum eftir summarfrítíðina 2022, og tá vera tríggjar fastar læknaviðtalur á læknamiðstøðini í Klaksvík.

Onnur tíðindi