Tíðindi
Eginvenjingin verður í skúlanum á Viðareiði týsdagar og hósdagar kl. 13:30 til 16:00, undantikið halgidagar og aðrar frídagar.
Eginvenjingin, sum Norðoya Bú- og Heimatænasta skipar fyri, er ókeypis og ætlað borgarum búsitandi norðanfyri fjall, sum eru 67 ár og eldri.
Venjingin er undir egnari ábyrgd og má útinnast sjálvstøðugt. Tó er møguleiki at fáa vegleiðing við at ringja á tel. 793467 yrkadagar kl. 9:00 – 15:00.
Av tí at venjingarhølini eru á skúlanum, verður heitt á tey, sum venja, at ganga væl um, og kunnu í mesta lagi 7 fólk venja í senn.
Um tørvur er á aðrari tænastu frá fysio- og ergoterapeutum í NBH, kunnu heimabúgvandi fólkapensjónistar, teirra avvarðandi ella fakfólk seta seg í samband við fysio- og ergoterapieindina, Ven og Virka, Kjalarvegur 48, 700 Klaksvík, tel. 793464, ella við at fylla út umsóknarblaðið um tænastur, sum sæst á heimasíðuni www.nbh.fo, og senda tað til nbh@nbh.fo
Róðrarneystið verður nýtt til nógv ymisk endamál
Rúmdarfyrilestur v/David Arge Klevang í Varpinum
Bárður á Lakjuni vitjaði Klaksvíkar Kommunu
