Arbeiðsuppgávur
Arbeiðsuppgávurnar eru fjølbroyttar. Talan er um ymiskar fyrifallandi uppgávur á dagstovnunum, viðlíkahald av bygningunum, bæði inni og úti, umframt uttanumøki og spæliplássini hjá barnagørðunum.
Arbeiðsbilur er knýttur at starvinum, og húsavørðarnir hava egin hølir at arbeiða útfrá, til goymslu o.a.

Førleikakrøv

• Vit ynskja, at tú hevur góð handalig evni og eina handverkaraútbúgving at stuðla undir hetta, t.d. timburmaður, húsasmiður e.l.
• Tú skalt duga at arbeiða sjálvstøðugt og í toymi og lættliga kunna fara til verka við teimum fjølbroyttu uppgávunum á dagstovnunum.
• Sum persónur ert tú arbeiðsom/samur, ágrýtin og røkin. Tað hevur týdning, at tú sjálv/ur dugir at síggja, hvørjum tørvur er á í mun til viðlíkahald o.a. 
• Vera fyrikomandi og duga at samskifta við bæði børn og vaksin.
• Tú skalt hava koyrikort til persónbil

Setanarviðurskifti
Talan er um eitt fast fulltíðarstarv, lønar- og setanarviðurskifti eru sambært sáttmála millum Kommunala arbeiðsgevarafelagið og Føroya Handverkarafelag. Lønartalvan sæst á www.kaf.fo. 
Nærri upplýsingar um starvið fáast við at venda sær til Niels Juel, barnaansingarsamskipara, á  tlf. 284538

Umsóknir
Umsókn við prógvum og lívsgongdarlýsing skal vera okkum í hendi seinast 21. septembur 2022 Søk starvið við at trýsta á leinjuna her: Húsavørður til dagstovnaøkið