Á skránni var sangur, hugleiðingar og ábit. Kala Lómaklett hugleiddi um ymisk tiltøk, sum áhugabólkurin hevur skipað fyri seinastu árini, og Gunvør Sigurðsson, forkvinna í Eldraráðnum, greiddi frá arbeiðinum hjá eldraráðnum og kunnaði um, hvussu Eldraráðið er samansett.

Unn og Jón Absalon Østerø framførdu eisini nakrar sangir, og setti tað ein heilt serligan dám á hugnaløtuna.

Borgarstjórin, Karl Johansen, sum eisini er stýrisformaður í Norðoya Bú- og Heimatænastu, varð boðin við og luttók bæði sum gestur og myndamaður.

Umleið 60 fólk tóku lut.