Tíðindi

16.11.2023
Húsavørður til Klaksvíkar kommunu

Klaksvíkar kommuna søkir eftir einum húsavørði til umsitingina og aðrar deildir og bygningar sum kommunan varar av, t.d Barnavernd, Bókasavn, Læknamiðstøð, Heimavirkið, Íverksetarahúsið, kjallari og veghædd á Biskupstorg, Jústabrekka o.a..

Arbeiðsuppgávur
Arbeiðsuppgávurnar eru fjølbroyttar. Talan er um ymiskar fyrifallandi uppgávur, og smærri ný- og umbyggingar umframt umvælingar, viðlíkahald av bygningunum, bæði inni og úti, og økið uttan um.


Førleikakrøv
- Vit ynskja, at tú hevur góð handalig evni og møguliga eina handverkaraútbúgving at stuðla undir hetta, t.d. timburmaður, húsasmiður e.l.
- Sum persónur ert tú arbeiðsom/samur, ágrýtin og røkin, og sjálv/ur dugur at síggja hvat tørvur er á í mun til viðlíkahald o.a. 
- Tú skalt duga at arbeiða sjálvstøðugt og lættliga kunna fara til verka við teimum fjølbroyttu uppgávunum sum liggja innanfyri starvið. Harafturat vænta vit, at tú ert samstarvs- og tænastusinnað/ur.
- Tú mást hava koyrikort til persónbil.

Setanarviðurskifti
Talan er um eitt fulltíðarstarv, lønar- og setanarviðurskifti eru eftir viðkomandi sáttmála millum Kommunala arbeiðsgevarafelagið og avvarandi fakfelag.
Nærri upplýsingar um starvið fáast við at venda sær til Jógvan Ósá, tekniskur stjóri, á tlf: 790388


Umsóknir
Umsókn við prógvum og lívsgongdarlýsing skal vera okkum í hendi seinast 30. novembur 2023 
Tú søkir starvið við at trýsta á leinkjuna her: Húsavørður til Klaksvíkar kommunu

Onnur tíðindi
08.05.2025

Ársins fyrsta ferðamanna­skip til Klaksvíkar

08.05.2025

Krøv í samband við bygging av íbúðum og frítíðaríbúðum

07.05.2025

Ferðslu­kunning í samband við landsdyst 7. mai

05.05.2025

Ein perla er varðveitt í Klaksvík – hjartaliga tillukku, Kl. sjúkra­hús