Tíðindi

17.06.2024
Barnahúsið Margit søkir eftir námsfrøðingum

Endurlýsing: Verður tú námsfrøðingur í summar? Ella hevur tú hug at royna okkurt nýtt? Hygg her!

Barnahúsið Margit søkir eftir tveimum námsfrøðingum, atstøðingum ella hjálparfólkum at byrja 7. august 2024 ella eftir nærri avtalu. Talan er um tvey størv á 30 tímar og eitt starv á 15-20 tímar. Um ynski er um annan brøk, eru umsøkjarar vælkomnir at viðmerkja tað. Størvini eru leys bæði í vøggustovu og barnagarðsstovum.

Barnahúsið Margit er ein kommunalur dagstovnur. Vit hava tvær vøggustovur, tvær barnagarðsstovur og eina serstovu. Barnahúsið Margit er normerað til 62 børn. 

Vit hava eina menningarætlan, sum er grundarlagið undir okkara námsfrøðiliga arbeiði;  harumframt síggja vit stórt virði í viðurkenning og inklusión í arbeiðnum. Vit kunnu bjóða tær eitt gott arbeiðspláss við støðuføstum starvsfólkum og nógvum fittum børnum. 

Les meira um menningarætlanina her: https://www.klaksvik.fo/dagstovnar 
Vit arbeiða eisini við “Betri Vinir”, sum er eitt arbeiðsamboð til at fyribyrgja happing.

Vit ynskja, at tú:
• hevur ein savnandi hugburð
• ert opin, erlig/ur og fyrikomandi
• hevur lætt og jaligt lyndi
• dugir at seta í gongd
• leggur teg eftir at geva barninum ein innihaldsríkan gerandisdag
• vilt vera við til at mynda stovnin námsfrøðiliga
• ert tilvitað/ur um menning fyri tað einstaka barnið
• ert týðilig/ur í samskifti og leggur dent á gott samstarv

Setanarviðurskifti:
Starvið verður sett sambært sáttmála millum Føroya Pedagogfelag og Kommunala Arbeiðsgevarafelag Føroya (KAF).
Hevur tú spurningar, ert tú vælkomin at seta teg í samband við Ann Mari E. Kjølbro, leiðara á telduposti: margit@klaksvik.fo ella tlf. 284530
Arbeiðsgevarin hevur skyldu til at fáa barnaváttan, áðrenn setanin verður framd.

Tú søkir starvið við at trýsta á leinkjuna her: Starvsfólk til Barnahúsið Margit

Umsókn saman við avriti av prógvi, cv og møguligum starvsváttanum skal vera stovninum í hendi í seinasta lagi mánadagin 1. juli 2024. Um tú fært prógv í summar, so verður tað sent við, tá tú hevur fingið tað.

Onnur tíðindi
17.07.2024

Ferðslu­kunning í samband við dystin hjá Víkingi á Djúpumýru

17.07.2024

Stongt vegna jarðarferð

16.07.2024

Stangavegu­rin asfalteraður

15.07.2024

Stangavegu­rin stongdur