Um Barnaverndartænastuna í Norðyggjum: 
Barnaverndartænastan í Norðoyggjum fevnir um allar Norðoyggjar. Umsitingin hjá barnaverndartænastuni heldur til í Klaksvík og húsast saman við Trivnaðardeildini Børn & Ung hjá Klaksvíkar kommunu. 
Á barnaverndartænastuni starvast, umframt leiðaran, ein fakligur samskipari, fýra sosialráðgevar, ein sálarfrøðingur og eitt skrivstovufólk. Uppgávan hjá barnaverndartænastuni er at tryggja børnum, sum liva undir viðurskiftum, ið kunnu skaða teirra heilsu og menning, neyðuga hjálp og umsorgan.

Starvið:
Tú kemur, í tøttum samstarvi við leiðaran á barnaverndartænastuni, fakliga samskiparanum og starvsfólkum á deildini, at taka tær av einum spennandi og fjøltáttaðum øki við málsviðgerð, ráðgeving og øðrum uppgávum, sum barnaverndarumsitingin tekur sær av.

Arbeiðsuppgávan fevnir m.a. um: 
• at ráðgeva og vegleiða barna- og ungdómsfamiljum
• at ráðgeva barnaverdarnevndini í lóg um Barnavernd 
• at fyrireika mál til nevndarviðgerð 
• at seta í verk fyriskipanir og fylgja teimum upp 
• at virka sum samskipari í málum, har fleiri myndugleikar eru við 
• at samstarva tvørfakliga 

Vit leita eftir starvsfelagum, ið: 
• eru útbúnir sosialráðgevi 
• hava royndir sum málsviðgeri ella aðrar viðkomandi royndir 
• hava áhuga og evnir at arbeiða við barna- og ungdómsfamiljum
• megna at vera nágreiniligir og samstundis hava nógvar bóltar í luftini 
• megna at seta seg inn í støðuna hjá familjum og hjálpa teimum út frá hesum 
• hava gott yvirlit og duga væl at orða seg 
• eru fleksibul

Vit bjóða tær: 
• Eitt gott arbeiðspláss og spennandi starv við nógvum avbjóðingum 
• Góðar starvsfelagar 
• Supervisión 

Setanarviðurskifti: 
Talan er um tvey størv, annað tíðaravmarkað, á 35 tímar um vikuna. Lønar- og setanarviðurskifti eru smb. sáttmála millum Kommunala Arbeiðsgevarafelagið (KAF) og Starvsfelagið, lønarflokk 7/BA.
Nærri fæst at vita um starvið við at venda sær til Tonju Sonhardsdóttir, leiðara fyri barnaverndartænastuna, tlf. 287621 ella teldupost tonja@klaksvik.fo.
Arbeiðsgevarin hevur skyldu til at fáa barnaváttan, áðrenn setanin verður framd.

Umsókn:
Umsókn, saman við avriti av prógvi, cv og møguligum starvsváttanum, skal vera okkum í hendi seinast mánadagin 19. august 2024.

Tú søkir starvið við at trýsta á leinkjuna her: Sosialráðgevar til Barnaverndartænastuna