Eftir áheitan frá Dátueftirlitinum hevur kommunan mett um verandi KT-trygd, gjørt eina neyva váðameting og dagført sítt trygdargrundarlag. Harafturat hevur kommunan endurskoðað sín KT-trygdarpolitikk og styrkt arbeiðið við kunningartrygd og dátuvernd. 
Í endaligu metingini staðfestir Dátueftirlitið, at Klaksvíkar kommuna hevur gjørt eina gjølla og skipaða váðameting og sett tiltøk í verk fyri at minka um váðan fyri, at líknandi trygdarbrot kunnu raka kommununa í framtíðini. 
Klaksvíkar kommuna fer framhaldandi at arbeiða miðvíst við KT-trygd, dátuvernd og áhaldandi betringum av trygdarstøðinum hjá kommununi, og kommunan fegnast um, at málið nú er lokað.