Nýggjastu tíðindi

13/04/2018

Ráðleggingardagur um sálarheilsu


Tá ið starvsfólkini á dagstovnaøkinum í ár hittast til felags ráðleggingardag, verður tað við evninum “ABC fyri sálarliga heilsu”, sum Fólkaheilsuráðið hevur sett á breddan saman við kommunum og øðrum samstarvspørtum.

Dagstovnarnir hjá Klaksvíkar kommunu hava hvørt ár ein ráðleggingardag, har fakliga menningin verður sett í hásætið og sjóneykan sett á skiftandi evni hvørt ár. Í samband við átakið hjá Fólkaheilsuráðnum ABC fyri sálarliga heilsu, sum Klaksvíkar kommuna er partur av, fer ráðleggingardagurin í ár at snúgva seg um hetta evni.

Fólkaheilsuráðið greiðir á heimasíðu síni soleiðis frá, hvat sálarlig heilsa er:

“Sálarlig heilsa er ein støða av trivnaði, har tú sum menniskja kanst menna og royna tíni evni, handfara avbjóðingar og strongd í gerandisdegnum, vera partur av jaligum sosialum sambondum og mengar at geva íkast til felagsskapin”.

Monika Mohr, verkætlanarleiðari fyri ABC fyri sálarliga heilsu, leggur fram á ráðleggingardegnum, sum í ár verður hildin fríggjadagin 11. mai.

Av tí at øll starvsfólk á øllum dagstovnum eru við á ráðleggingardegnum, hava allir dagstovnar í Klaksvíkar kommunu stongt hendan dagin. Foreldur verða eisini kunnað um hetta á hvørjum einstøkum stovni.

Nýtt í kommununi

Starvsfólk á eldraøkinum kannað fyri COVID-19
28/05/2020

Í dag vórðu nøkur av starvsfólkunum hjá Norðoya Bú- og Heimatænastu kannað fyri COVID-19. Kanningarnar verða gjørdar í samstarvi v… Les meira »

Tilmelding til rundsýning á Skúlatrøð
28/05/2020

Vegna korona-tilmælini verður vígslan stroymd á heimasíðuni hjá Klaksvíkar kommunu, og hava øll tískil møguleika at fylgja við har… Les meira »

Býráðsskráin 28. mai 2020
27/05/2020

Regluligu býráðsfundirnir eru almennir, og til ber eisini at stroyma fundin beinleiðis umvegis heimasíðuna hjá Klaksvíkar kommunu. Les meira »

Vís fleiri