Finn Johannesen, cruise-samskipari hjá Klaksvíkar Havn og kommununi, fekk eina bragdliga byrjan í starvinum við fyrstu vitjanini, har túsundtals ferðafólk vóru á vitjan, tá ið stásiliga og stóra ferðamannaskipið, Jewel of the Seas, var á Klaksvík týsdagin 26. juni 2012.

- Hetta setti sín stóra dám á býin, og Føroyar við, og vóru nógvar vitjanir, sølustøð, útferðir o.a. á skránni, sigur samskiparin, ið nú boðar øllum, ið á ein ella annan hátt luttóku ella eru áhugað í at vera við, til eftirmetingarfund í býráðshúsinum.

- Mánadagin 2. Juli 2012 kl. 17.00 verður eftirmeting av tiltakinum og móttøkuni av vitjanini hjá Jewel of the Seas.

- Heitt verður tí á øll – ið á ein hvønn hátt luttóku og virkaðu við, og/ella sum eru áhugaði í at verða við, bjóða seg fram og/ella vilja selja eitt hvørt – um at møta í býráðshúsinum mánadagin 2. juli 2012 kl. 17.00 til kunning, prát og eftirmeting, ljóðar fráboðanin frá Finn Johannesen, cruise-samskipara, sum hevur fartlf. 21 71 71.

Við ynskjum um góða uppmøting.