Nýggjastu tíðindi

11/06/2019

Húsavørður til Klaksvíkar kommunu (endurlýsing)


Dámar tær fjølbroyttar arbeiðsuppgávur? Og tímir tú at svara forvitnisligum spurningum frá børnum og onkuntíð læna teimum tummastokk ella líknandi? So er tað tær vit leita eftir.

Vit hava frammanundan ein húsavørð á dagstovnaøkinum, men okkum tørvar ein afturat skjótast gjørligt. Arbeiðið er skipað soleiðis, at dagstovnarnir verða deildir ímillum húsavørðarnar, so at teir hava nakrar fastar stovnar í part at arbeiða á. Tó kann talan verða um samstarv ímillum húsavørðarnar um størri uppgávur.


Arbeiðsuppgávur

Arbeiðsuppgávurnar eru fjølbroyttar og fevna m.a. um at røkja og viðlíkahalda bygningar og øki rundanum. Og ert tú fyritaksamur og hevur eyga fyri dagligum viðlíkahaldi, ert tú í stóran mun við til at skipa tín egna arbeiðsdag.


Førleikakrøv
:

Vit ímynda okkum:

·       at tú ert handverkari ella hevur praktiskar royndir innan handaligt arbeiði, sum gera teg føran fyri at fremja húsavarðaruppgávur.

·       at tú hevur góðan førleika at arbeiða sjálvstøðugt, men samstundis er samstarvssinnað/ur og fyrikomandi.

·       at tú ert røkin og vælskipað/ur í tínum arbeiði.

·       at tú sjálv/ur dugir at síggja, hvat krevur ábøtur, og fært arbeiðið avgreitt.

Setanarviðurskifti
Talan er um eitt tímalønt fulltíðarstarv, ið verður lønt sambært sáttmála millum Føroya Arbeiðsgevarafelag og Føroya Arbeiðarafelag ella Føroya Handverkarafelag.

Umsóknir: Umsókn við prógvum og lívsgongdarlýsing (cv) kann sendast sum teldupostur til klaksvik@klaksvik.fo ella til Klaksvíkar kommuna, Postsmoga 2, 710 Klaksvík.
Viðmerk: Húsavørður til dagstovnaøkið

Umsóknin skal vera okkum í hendi í seinasta lagi hósdagin 27. juni 2019 kl. 12.00.
Nærri upplýsingar um starvið kunnu fáast við at venda sær til: Hans Fróða Hansen, tlf. 213249, hfh@klaksvik.fo  ella Sigrun Vágstún, tlf. 222995 sigrunv@klaksvik.fo.

Nýtt í kommununi

140 børn og ung vitjaðu Húsið
21/08/2019

Skúlin er byrjaður aftur og tað merkir, at Húsið eisini hevur opið sum vanligt. Les meira »

Býráðsfundurin útsettur
20/08/2019

Avgjørt er, at býráðsfundurin, ið eftir ætlan skuldi vera 29. aug, verður fluttur til seinni í ár. Útsetti býráðsfundurin er settu… Les meira »

Endurnýtslan stongd leygardagin á Sjómannadegnum
16/08/2019

Leygardagin 17. august 2019 er bingjuplássið stongt. Les meira »

Vís fleiri