Sisimiut liggur í Qeqqata Kommunu, sum er ein av teimum fimm kommununum í Grønlandi. Í ferðalagnum vóru bæði kommunustýrislimir og umboð fyri fyrisitingina, sum vóru komin til Føroya at fáa innlit í ymisk viðurskifti.

Fyrrapartin vitjaði ferðalagið á Skúlatrøð, har Jónleif Johannesen, skúlastjóri, vísti runt og greiddi frá um virksemið á skúlanum. Her fingu gestirnir innlit í dagliga arbeiðið á skúlanum.

Síðani gekk leiðin til Varpið, har fleiri starvsfólk hjá Klaksvíkar kommunu høvdu framløgur um arbeiðsøki og átøk innan barna- og ungdómsøkið. Seinnapartin vitjaði ferðalagið í frítíðarskúlanum Snjallubjallu, barnagarðinum Baldursbrá á Norðoyri og at enda í ungdómshúsinum Húsinum. Á øllum støðunum vóru høvi at síggja virksemið og umrøða arbeiðshættir, avbjóðingar og møguleikar innan økið.

Klaksvíkar kommuna takkar fyri vitjanina og ynskir gestunum úr Sisimiut framhaldandi eina góða ferð í Føroyum.

Borgarstjórin í Klaksvík og Qeqqata kommunu