Nýggjastu tíðindi
Tilboðið í Snjallubjallu verður víðkað
Eftir summarferiuna fær Snjallabjalla fleiri fermetrar at ráða yvir, soleiðis at øll børn, sum ynskja tað, kunnu fáa pláss á frítíðarskúlanum tá skúlin byrjar aftur.
Seinastu tíðina hevur Snjallabjalla havt ein bíðilista, men kommunan hevur leingi ynskt, at kunna bjóðað øllum børnum í 1. og 2. flokki pláss í frítíðarskúlanum. Tí hevur Klaksvíkar kommuna leitað eftir røttu loysnini viðvíkjandi hølisviðskiftunum hjá Snjallubjallu, og nú er loysnin funnin. Fyri at nøkta økta tørvin, fer Snjallabjalla framyvir eisini at húsast í kjallaranum hjá Húsmøðrafelagnum á Bøgøtu. Framanundan húsast Snjallabjalla á Skúlavegi 1, í Batmintonhøllini og í Skákinum.
- Vit hava leingi ynskt at fáa bíðilistan burtur, soleiðis at stovnurin kann rúma øllum børnum í hesum aldursbólki, tí er tað sera gleðiligt, at ein góð loysn nú er funnin, sigur Jógvan Skorheim, borgarstjóri og formaður í fíggjarnevndini.
Snjallabjalla letur upp aftur 19. Aug.
Nýtt í kommununi
Veghæddin í bygninginum við Biskupstorg, við tilhoyrandi goymsluhølum í undirhæddini, sum liggur í hjartanum av nýggja miðbýnum í… Les meira »
Klaksvíksskákið sambindir at fleiri vegir á vestursíðuni og styttir munandi um farleiðina hjá mongum borgarum Les meira »
Elsebeth Mercedis Gunnleygsdóttur, landsstýriskvinna, og Jógvan Skorheim, borgarstjóri, fegnast um góða samstarvið millum Almannam… Les meira »