Norðurjól 2019 lat upp fyrrapartin, men enn arbeiða fólk við leggja síðstu hond á fyrireikingarnar. Mimmy Vágsheyg, sum í ár samskipar Norðurjól, heldur, at hetta er ein ótrúliga spennandi uppgáva, sum fólk og handlar hava tikið væl ímóti.

Sum nakað nýtt heldur Norðurjól til í veghæddini á Biskupstorgi, har eini 12 handlar og smásølur koma at húsast í senn. Nakrir av handlunum eru handlar, ið hava flutt teirra sølustað í í Biskupstorg í desember mánað, men aðrir eru sokallaðir Pop-Up handalar, sum í eitt vikuskifti ella í eitt stytri tíðarskeið hava opið í Biskupstorgi.