Nýggjastu tíðindi

03/03/2020

Arbeiðsfólk til Grótbrotið (endurlýsing)


Klaksvíkar kommuna søkir eftir arbeiðsfólki til Grótbrotið.

Arbeiðsuppgávur
Dagligu arbeiðsuppgávurnar eru, saman við leiðaranum í Grótbrotinum, at halda økið væl skipað, so at innkeyp, søla og útflýggjan av gróti og øðrum tilfari, sum hoyrir einum grótbrotið til, er nøktandi. Harumframt kunnu aðrar fyrifallandi uppgávur fyrikoma.

Førleikakrøv
Í starvinum leggja vit dent á, at tú ert fyrikomandi og arbeiðsom/ur og hevur hug at seta teg inn í nýtt arbeiði. Harafturat vænta vit, at tú megnar at arbeiða sjálvstøðugt og veita eina góða tænastu til vinnu og borgarar í Klaksvíkar kommunu. Umsøkjarin skal hava koyrikort til bil, og tað kann vera ein fyrimunur um umsøkjarin hevur royndir at arbeiða við stórum maskinum, sum verða nýttar til tílíkt arbeiðið.

Setanarviðurskifti
Talan er um eitt tímalønt fulltíðarstarv, ið verður lønt eftir sáttmála millum KAF og Arbeiðarafeløgini. Tann, ið verður settur, skal kunna tola møguligar broytingar í starvinum.

Umsókn
Umsókn við prógvum og lívsgongdarlýsing (cv) kann sendast sum teldupostur til aksalp@klaksvik.fo. Til ber eisini at senda umsóknina sum vanligt bræv til: Klaksvíkar kommuna, Postsmoga 2, 710 Klaksvík. Mrk. Arbeiðsfólk til grótbrotið.

Hevur tú spurningar til starvið, kanst tú venda tær til Aksal Petersen, leiðara í Grótbrotinum, á tel. 228280. Umsóknin skal vera okkum í hendi í seinasta lagi fríggjadagin 20. mars kl. 12.00.

Nýtt í kommununi

Earth Hour í Klaksvíkar kommunu
28/03/2020

Klaksvíkar kommuna stuðlar átakinum Earth Hour. Tí fer kommunan at sløkkja gøtuljósini í kvøld í 1 tíma, fyri at seta sjóneykuna á… Les meira »

Sóttarhaldið kann gerast ein søt tíð
27/03/2020

Flestu børn eru í hesum døgum heima við hús, og gerandisdagurin er sera nógv merktur av, at familjurnar hava nógv projektir í luft… Les meira »

Innsavningin av hvítum og reyðum posum verður tikin uppaftur
27/03/2020

IRF boðar frá á síni heimsíðu, at frá í næstu viku at rokna verður innsavningum av hvítum posum tikin uppaftur í øllum økinum hjá… Les meira »

Vís fleiri